20 чэрвеня 2019, Чацвер, 3:14
Мы ў адной лодцы
Рубрыкі

Velcom павысіць кошты на інтэрнэт

14

Velcom |A1 змяніў умовы абслугоўвання паводле некаторых тарыфных планаў фіксаванай сувязі.

Пра гэта паведамляецца на афіцыйным сайце мабільнага аператара.

З 1 чэрвеня 2019 года на большасці тарыфных планаў фіксаванай сувязі будзе павялічаная хуткасць доступу ў інтэрнэт: на лінейцы «Хатні», у якую ўваходзяць тэлевізія, і большасць тарыфаў лінейкі «Інтэрнэт» яна вырасце ад 10 да 20 Мбіт/с (у залежнасці ад тарыфнага плану).

З павелічэннем хуткасці доступу ў інтэрнэт тарыфныя планы будуць перайменаваныя. Так, напрыклад, тарыфны план з бягучай назвай «Хатні 80», які падае доступ у інтэрнэт на хуткасці да 80 Мбіт/с, з 1 чэрвеня будзе называцца «Хатні 100», забяспечваючы кліентам доступ у інтэрнэт на хуткасці да 100 Мбіт/с.

Разам з тым на некаторых тарыфных планах фіксаванай сувязі і тэлевізіі зменіцца кошт паслуг. Для прыватных кліентаў штомесячны плацеж павялічыцца ад 1,79% да 6,5% у сярэднім, у залежнасці ад тарыфнага плана. Для карпаратыўных кліентаў кошт паслуг сувязі павялічыцца ў сярэднім на 5%.

З абноўленымі ўмовамі і цэнамі на паслугі фіксаванай сувязі і тэлевізіі можна азнаёміцца, перайшоўшы па спасылцы. Цэны будуць абноўлены на сайце 1 чэрвеня 2019 года.