27 чэрвеня 2019, Чацвер, 8:28
Мы ў адной лодцы
Рубрыкі

Беларусы дамагаюцца дазволу атрымліваць пасведчанне кіроўцы з 17 гадоў

34

У інтэрнэце збіраюць подпісы.

Складальнікі петыцыі, якая нядаўна з'явілася ў сетцы, мяркуюць, што пасведчанне кіроўцы катэгорыі В павінна быць даступнае для непаўналетніх - а менавіта навучэнцаў у СНУ, піша onliner.by.

«Многія навучэнцы сярэдніх спецыяльных навучальных устаноў павінны ездзіць у іншыя населеныя пункты для атрымання адукацыі, - мяркуюць падпісанты. - Ездзіць на грамадскім транспарце не заўсёды зручна і даступна. Можна спазніцца альбо чакаць патрэбны маршрут больш за гадзіну, акрамя таго, перамяшчэнне ў грамадскім транспарце з торбамі таксама дастаўляе нязручнасць пасажырам». З гэтых прычын прапануюць знізіць узроставую планку атрымання пасведчання кіроўцы.

Аўтары петыцыі прапануюць увесці падкатэгорыю катэгорыі В, якая дае права на кіраванне транcпартным сродкам навучэнцам ССНУ: «Просім выдаваць пасведчанні тым, каму ёсць 17 гадоў, але з абмежаваннямі. Па-першае, гэта абмежаванне па магутнасці аўтамабіля (да 125 к. с.). Па-другое, дапушчальнасць кіравання легкавым аўтамабілем толькі ў населеным пункце па месцы прапіскі і ў горадзе, куды непаўнагадовы кіроўца павінен ездзіць на вучобу».

Ці мае сэнс знізіць узроставы цэнз для тых, хто можа кіраваць аўтамабілем?