Вобраз прынцэсы Дыяны выкарыстоўвалі для рэкламы «Пінскдрэва»
20- 25.05.2019, 12:44
- 22,884
У краме заявілі, што «не ведалі, хто гэта».
У Асіповічах для рэкламы крамы «Пінскдрэў» выкарыстоўвалі кардонны манекен лэдзі Дыяны, прынцэсы Уэльскай, якая загінула ў аўтакатастрофе 23 гады таму. Манекен прастаяў суткі, а потым яго прыбралі. «Мы проста не валодалі інфармацыяй, хто гэта», – патлумачылі tut.by у краме.
Фатаграфію кардоннага манекена даслаў у рэдакцыю чытач. І сказаў, што ён знаходзіцца недалёка ад кінатэатра «Радзіма» каля фірмовай крамы «Пінскдрэў» на вуліцы Сацыялістычнай.
– Проста прыйшлі новыя людзі, мы падрыхтавалі акцыю – і вось так атрымалася, – патлумачылі ў краме «Пінскдрэва». – Мы сапраўды не валодалі інфармацыяй, хто гэта. Але потым нам сказалі – і мы адразу прыбралі. Манекен прастаяў усяго суткі.
У краме пакуль не ведаюць, ці заменяць нечым манекен лэдзі Дыяны для раздачы рэкламнай прадукцыі на вуліцы.