16 чэрвеня 2019, Нядзеля, 7:00
Мы ў адной лодцы
Рубрыкі

Беларус здабыў срэбра на Кубку свету ў веславанні

1
АЛЕГ ЮРЭНЯ
ФОТА CANOESPORT.RU

Алег Юрэня здабыў сярэбраную ўзнагароду на першым этапе Кубка свету ў веславанні на байдарках і каноэ ў Познані.

Дыстанцыю ў 1000 м на байдарцы беларус пераадолеў за 3 хв. 28,296 сек, паведамляе БелТА.

Пераможцам заезду стаў дасведчаны партугальская атлет Фернанда Пімента - 3 хв. 27,544 сек.

Бронзавая ўзнагарода ў Ёзэфа Дастала з Чэхіі - 3 хв. 30,988 сек.

У заездзе каноэ на 200 м трэцяе месца заняў беларус Арцём Козыр (39,819 сек.), які менш за секунду саступіў пераможцу Зазе Надзірадзе з Грузіі - 39,191 сек.

На другую прыступку п'едэстала гонару ўзняўся Цімур Хайдар з Казахстана - 39,743 сек. У двух фіналах у каноэ на 200 м і 1000 м выступіў Максім Пятроў, але абодва разы прыходзіў да фінішу дзявятым.

Веславанне на байдарках і каноэ ўваходзіць у праграму II Еўрапейскіх гульняў. На вяслярным канале ў Заслаўі з 26 да 27 чэрвеня 350 спартоўцаў разыграюць 16 камплектаў узнагарод.