26 чэрвеня 2019, Серада, 9:52
Мы ў адной лодцы
Рубрыкі

Румас патэлефанаваў Мядзведзеву

4

Прэм'ер Беларусі абмеркаваў з расейскім калегам пытанні «інтэграцыі» дзвюх краін.

На ініцыятыву беларускага боку сёння адбылася тэлефонная размова прэм'ер-міністра Беларусі Сяргея Румаса са старшынём урада Расеі Дзмітрыем Мядзведзевым, паведамляе БелТА.

Сяргей Румас павіншаваў свайго калегу з Днём Расеі і пажадаў дабрабыту і працвітання расейскаму народу.

Быў абмеркаваны ход работы сумеснай групы выпрацоўкі прапаноў аб далейшым развіцці беларуска-расейскай інтэграцыі, вочнае пасяджэнне якой адбудзецца 15 чэрвеня ў Маскве. Сяргей Румас таксама пацвердзіў адрасаванае раней Дзмітрыю Мядзведзеву запрашэнне наведаць ІІ Еўрапейскія гульні ў Менску.