22 лiпеня 2019, панядзелак, 22:16
Мы ў адной лодцы
Рубрыкі

Куды паехаць беларусам у чэрвені ва Украіне: незвычайныя кірункі

3

Топ-5 найлепшых месцаў для адпачынку ва Украіне гэтым летам.

Ва Украіне ёсць вельмі шмат прыгожых месцаў, дзе можна вельмі добра адпачыць летам і набрацца ўражанняў. «Сегодня» пішуць пра найлепшыя кірункі для падарожжа ва Украіне ў чэрвені.

Тунэль кахання

У паселішчы Клевань Ровенскай вобласці размясцілася незвычайная славутасць - тунэль кахання. Гэта алея, паабапал якой знаходзяцца дрэвы, пераплеценыя зверху адное з адным. Выглядае месца сапраўды казачна, яно прыгожае ва ўсялякую паравіну года. Сюды прыязджаюць людзі з усёй Украіны, каб палюбавацца тунэлем і зрабіць фота на памяць.

Па тунэлі пралягае чыгунка, якая функцыянуе дагэтуль. Яна злучае Аржэўскм дрэваапрацоўчы камбінат з паселішчам Клевань. Таварны цягнік праязджае адзін-два разы на дзень і ламае маленькія галінкі дрэў, якія перашкаджаюць руху. Такім чынам атрымліваецца прыгожая арачная форма сплеценых паміж сабой дрэў.

Луцкі замак

Луцкі замак - найстарэйшае збудаванне Луцка і цэнтральная архітэктурная будова ўсяго горада. Гэта адзін з нямногіх будынкаў Валынскай вобласці, які захаваўся да нашых часоў у добрым стане.

Да сярэдзіны 15 стагоддзя замак быў цалкам дабудаваны. У адрозненне ад многіх замкаў таго часу, асноўнай функцыяй якіх была ахоўная, Луцкі замак першапачаткова задумваўся менавіта як рэзідэнцыя каралёў, а не цытадэль. Зразумела, абарончыя ўласцівасці замка таксама былі даволі шакавальнымі - ён перажыў шмат нападаў, хоць яны і раскідалі яго. Праз некаторы час пасля пабудовы, Луцкі замак страціў сваю важнасць (у часы Рэчы Паспалітай).

Сам па сабе замак вельмі прыгожы, тут можна шпацыраваць і рабіць прыгожыя фотаздымкі. Унутры замка таксама дзейнічаюць розныя экспазіцыі з гісторыі замка і горада. На тэрыторыі таксама ёсць асобная пабудова - палац біскупаў. Ахвтныя могуць замовіць сабе экскурсію па замку і даведацца ўсе яго таямніцы. Таксама можна паглядзець экскурсію ў Луцкім замку віртуальна.

Запаведнік Асканія-Нова

Прыродны запаведнік Асканія-Нова знаходзіцца ў Херсонскай вобласці, непадалёк ад Новай Кахоўкі. Гэта надзвычай прыгожае месца, дзе можна ўбачыць дзікіх жывёл у натуральным асяроддзі пражывання, а таксама знайсці мноства рэдкіх раслін.

Адпачынак у запаведніку Асканія-Нова - гэта рэлакс у чыстым выглядзе: дзікая прырода, свежае паветра, жывёлы - усё тут спрыяе спакою і супакаенню. Для таго каб адчуць запаведнік напоўніцу, трэба замовіць экскурсію. Таксама на тэрыторыі запаведніка ёсць кавярня і гатэль.

Даехаць да запаведніка Асканія-Нова можна ад многіх гарадоў - Новакахоўкі, Генічэска, Херсона. Да запаведніка адтуль ідуць экскурсійныя аўтобусы; таксама можна дабрацца сваім ходам, пільнуючыся паказальнікам.

Возера Сіневір

Возера Сіневір з'яўляецца адным з самых прыгожых месцаў у Карпатах. Дабрацца да яго можна з бліжэйшых вёсак: Сіневірская паляна, Залессе, Падманава, Шацк. Выкупацца ў возеры наважваюцца не ўсе, бо тэмпература вады не падымаецца вышэй за адзнаку 11 градусаў.

Існуе легенда аб паходжанні назвы возера. Калісьці горы належалі аднаму багатаму чалавеку, у якога была прыгожая дачка Сінь. Яна закахалася ў простага хлопца на імя Выр, але бацька дзяўчыны быў супраць гэтых стасункаў. Ён загадаў забіць Выра, скінуўшы са скалы на маладзёна велізарны камень. Калі Сінь даведалася пра гэта, абняла камень і пачала плакаць. З яе слёз і ўтварылася возера.

Рэзідэнцыя мітрапалітаў Букавіны і Далмацыі

Цяпер будынак знаходзіцца ў распараджэнні Чарнавіцкага нацыянальнага ўніверсітэта імя Юрыя Федзькавіча. У 2011 годзе гэты архітэктурны шэдэўр уключылі ў спіс сусветнай спадчыны ЮНЕСКА. Будынак больш нагадвае палац, чым універсітэт: тры галоўныя будынкі з вежамі пабудаваныя вакол прыгожай плошчы, дах выкладзены паліванай дахоўкай, комплекс дапаўняюць царква і капліца.

Узвядзенне рэзідэнцыі пачалося ў 1864 годзе чэшскім архітэктарам Ёзэфам Глаўкам. Для забеспячэння будаўніцтва патрэбнымі матэрыяламі ў горадзе спецыяльна былі адкрыты заводы для вырабу дахоўкі і цэглы. Патрабаванні да працоўных былі вельмі высокія: кожны будаўнік павінен быў правяраць якасць і памеры цэглы, ім нельга было класці больш за 100 цаглін на дзень. Таму канчатковы прадукт проста дзівіць сваім размахам.

Унутранае ўбранне будынка не саступае яго вонкаваму абліччу. Мармуровы, Чырвоная і Сіняя залы ўпрыгожаныя люстэркамі, ляпнінай, калонамі, роспісам. За рэзідэнцыяй раскінуўся парк з экзатычнымі тыпамі дрэў і каменным гротам. Пры ўваходзе ў дэндрарый каля пірамідальных туй усталяваны бюст Ёзэфу Глаўку.