Кіраўніцтва дэмпартый і алігарх Плахотнюк пакінулі Малдову
6- 15.06.2019, 12:23
- 10,277
Раней ва ўрадзе Малдовы анансавалі расследаванне магчымага вываду імі сродкаў з краіны.
Інфармацыйнае агенцтва Интерфакс паведамляе, што Малдову пакінулі палітыкі і бізнэсоўцы, звязаныя з Дэмакратычнай партыяй.
Звесткі сэрвісу flightradar24 паказваюць, што адзін самалёт Bombardier CRJ-200LR паляцеў у Маскву, Gulfstream G200 прызямліўся ў Адэсе, а трэці бізнес-джэт - у Лондане.
Паводле звестак СМІ, краіну, між іншым, пакінуў кіраўнік дэмакратычнай партыі і алігарх Уладзімір Плахотнюк.
Раней ва ўрадзе Малдовы анансавалі расследаванне магчымага вываду сродкаў з краіны кіраўніком Дэмакратычнай партыі Уладзімірам Плахотнюком.
Нагадаем, што ўвечары 14 чэрвеня ў Малдове стары ўрад Паўла Філіпа ў поўным складзе пайшоў у адстаўку.
Да нядаўняга часу ў краіне дзейнічалі два ўрады - новы ўрад на чале з прэм'ер-міністаркай Маяй Санду і стары ўрад Паўла Філіпа, які меў падтрымку Канстытуцыйнага суда.
Легітымнасць новага ўрада Малдовы прызналі ЗША, ЕЗ, а таксама РФ.