У Інданэзіі перанясуць сталіцу з 10-мільённай Джакарты на другі востраў

Паводле папярэдніх ацэнак, перанос сталіцы абыдзецца ў 32,5 млрд даляраў.

Улады Інданэзіі агучылі планы аб пераносе сталіцы з выспы Ява на Калімантан. Пераезд дзяржаўных устаноў і арганізацый з 10-мільённай Джакарты запланаваны на 2024 год, паведамляе strana.ua.

Прадстаўнікі Міністэрства нацыянальнага развіцця краіны распавялі СМІ пра тое, што план пераезду ўжо складзены. У 2021-2023 годзе ўрад мае намер прыступіць да добраўпарадкавання інфраструктуры на новым месцы. Праўда, дзе менавіта на Калімантане будзе размяшчацца сталіца, пакуль не ясна. У траўні прэзідэнт Інданэзіі Джок Відада наведаў Калімантан, каб вызначыць, якія гарады могуць прэтэндаваць на сталічны статус. Хутчэй за ўсё, выбіраць будуць паміж Балікпапанам і Паланкараю.

Паводле папярэдніх ацэнак, перанос сталіцы абыдзецца Інданезіі ў 32,5 млрд даляраў.

Тэма пераезду сталіцы вядзецца ў краіне ўжо больш за 50 гадоў. Яшчэ ў 1957 годзе прэзідэнт Сукарна прапанаваў перанесці ўрад у Паланкараю. А ў 2017 годзе перанос сталі актыўна абмяркоўвалі ва ўрадзе і парламенце Інданезіі. Як пісала «Страна», цікавасць да тэмы звязаная з недастатковым развіццём гарадской інфраструктуры Джакарты.

Адзначым, што Інданезія з'яўляецца чацвёртай у спісе самых шматнаселенных краін свету пасля Кітая, Індыі і ЗША. Паводле звестак 2010 года, у краіне пражывае блізу 237,6 млн. чалавек. З іх на востраве Ява 141 мільён, а на Калімантане - 21,3 мільёна.