Былы кіраўнік Інтэрпола прызнаў сваю віну ў карупцыі

Мэн Хунвэй быў арыштаваны падчас паездкі ў Кітай.

Былы кіраўнік Інтэрпола Мэн Хунвэй прызнаў сваю віну ў карупцыі падчас судовага паседжання ў Цяньцзіні на поўначы Кітая. Пра гэта 20 чэрвеня паведаміла партыйная газета Камуністычнай партыі Кітая "Жэньмінь жыбао" са спасылкай на бюлетэнь афіцыйнай інфармацыі, піша "Радыё Свабода".

Мэн, які ўзначальваў Інтэрпол з 2016 года, знік у верасні мінулага года падчас паездкі ў Кітай. У кастрычніку ўлады краіны паведамілі, што ён быў затрыманы паводле абвінавачванняў у атрыманні хабараў. Ён быў выключаны з кампартыі пастановай Цэнтральнай камісіі кампартыі для праверкі дысцыпліны.

Да абрання кіраўніком Інтэрпола Мэн займаў пасаду намесніка міністра грамадскай бяспекі Кітая і валодаў значнай палітычнай вагой у краіне. Ягоная жонка намагае, што крымінальны пераслед чыноўніка выкліканы палітычнымі прычынамі. У траўні яна атрымала прытулак у Францыі.