У чатырохпавярховым доме ў Менску пасля дажджу абвалілася частка столі

У доме цяпер ідзе капрамонт.

Позна ўвечары 26 чэрвеня ў чатырохпавярховым доме на Стаханаўскай, 33 адбылося надзвычайнае здарэнне. Як паведамілі tut.by жыхары, у кватэры на чацвёртым паверсе абвалілася частка столі. У доме цяпер ідзе капрамонт. Пазней у МНС удакладнілі, што прычынай падтаплення стала парушэнне тэхналагічнага працэсу падчас працы на даху.

«У доме па адрасе вул. Стаханаўская, 33 абваліўся дах у жылых кватэрах. Тэлефанавалі а «115», там сказалі, што нічога зрабіць не могуць, параілі пераначаваць у іншым месцы. На месцы працуе МНС. Затопленыя ніжнія паверхі», - паведаміў Аляксандр, у кватэры жыве яго сяброўка Дар'я.

Яна распавяла, што абвальванне адбылося ў пакоі яе суседкі, а са столі ручаём палілася вада.

«Проста пашанцавала, што не павалілася на суседку, магло б забіць», - кажа Дар'я.

Акрамя таго, такая ж сітуацыя і ў суседняй кватэры. Чытачы паведамілі, што на месцы працуюць ратавальнікі, прыязджаў прадстаўнік адміністрацыі Партызанскага раёна, пазней прыбылі і падрадчыкі, якія адказваюць за рамонт у доме.

Раніцай у МНС удакладнілі, што ў жылым доме праводзіцца капітальны рамонт, як раз перад дажджом быў зняты шыферны дах і праводзілася замена латы.

Калі пайшоў дождж, драўлянае перакрыцце намокла, і тынкоўка на столі (дранка) адпластавалася. У выніку здарыліся падтапленні ў жылых пакоях кватэр на чацвёртым паверсе, акрамя таго, намокла і столь у кватэры на трэцім паверсе.

Работнікі МНС праводзілі адпампоўку вады з падтопленых кватэр. Кватэры жыхароў прыдатныя для пражывання.

Прычына падтаплення - парушэнне тэхналагічнага працэсу пры вытворчасці работ на даху. Будаўнікі працягнуць замену даху і аднаўленне столі ў кватэрах.