Парубій адказаў на просьбу Зяленскага аб пазачарговым пасяджэнні Рады

Кіраўнік Вярхоўнай Рады заявіў, што гатовы неадкладна склікаць пазачарговую сесію парламента.

Кіраўнік Вярхоўнай Рады Андрэй Парубій заявіў, што гатовы неадкладна склікаць пазачарговую сесію парламента, але не асобнае пасяджэнне.

Пра гэта сказана ў тэксце адкрытага ліста Парубія да Зяленскага, апублікаванага ў Facebook у адказ на апублікаваны раней ліст кіраўніка дзяржавы спікеру парламента, піша nv.ua.

«Змушаны зноў паўтарыць, што ваша рпадстаўленне ад 17 ліпеня 2019 года было аформленае не ў адпаведнасці з патрабаваннямі дзейнага заканадаўства... Калі Вы сапраўды хочаце правядзення пазачарговай сесіі, а не дэманстрацыі перадвыбарчага шоў, Ваш офіс без якіх-небудзь цяжкасцяў мог бы хутка і эфектыўна прывесці тэкст ліста прэзідэнта Украіны ў Вярхоўную Раду Украіны ў адпаведнасць з патрабаваннямі закона і неадкладна перадаць у Апарат парламента. І, як я ўжо адзначаў, у самыя кароткія тэрміны я забяспечу правядзенне пазачарговай сесіі», - заявіў Парубій.

Паводле ягоных слоў, у выпадку паступлення адпаведнага прадстаўлення, ён гатовы ўзгадніць дату правядзення пазачарговай сесіі Вярхоўнай Рады і неадкладна падпісаць распараджэнне аб яе падрыхтоўцы.

«Што да самаахвярнасці і перамогі, то трэба мець дастаткова асабістых заслуг, каб апеляваць да такіх высокіх якасцяў. Нагадаю: сярод дэпутатаў гэтага склікання ёсць ветэраны АТА, якія вызвалялі з расейскай акупацыі ўкраінскія горада, якія пралівалі сваю кроў за Украіну. Памятаеце гэта», - дадаў Парубій.

Нагадаем, 17 лiпеня Зяленскі звярнуўся да Парубія з просьбай склікаць пазачарговае пасяджэнне Рады для разгляду законапраектаў, якія былі ўнесены ім у парламент. Гаворка ідзе пра законапраекты:

- Аб унясенні змяненняў у некаторыя заканадаўчыя акты Украіны што да канфіскацыі незаконных актываў асоб, упаўнаважаных на выкананне функцый дзяржавы або мясцовага самакіравання...,

- Аб унясенні змяненняў у закон Украіны аб Вышэйшым антыкарупцыйным судзе (пра пачатак працы суда),

- Аб унясенні змяненняў у некаторыя заканадаўчыя акты Украіны аб адтэрміноўцы выкарыстання штрафных санкцый за парушэнне парадку ўвозу транспартных сродкаў на мытныя тэрыторыі Украіны.

У той жа дзень Парубій заявіў аб немагчымасці склікання пазачарговага пасяджэння парламента. Паводле ягоных слоў, скліканне пазачарговага пасяджэння магчымы толькі паміж пленарнымі пасяджэннямі падчас сесіі Вярхоўнай Рады. Апошняя сесія Рады восьмага склікання была закрытая 12 ліпеня.