Топ-мэнэджар найбуйнейшай эстонскай IT-кампаніі: Здзівіла, наколькі беларусы блізкія па менталітэту да нас
7- 21.07.2019, 18:59
- 12,397
Артур Залужны мяркуе, што ў беларусаў і эстонцаў падобныя тэмпераменты.
Топ-мэнэджар найбуйнейшай эстонскай IT-кампаніі Helmes, а таксама міжнародны суддзя па бадмінтоне Артур Залужны параўнаў беларусаў і эстонцаў, піша «Трибуна».
- Што наогул ведалі пра Беларусь да прыезду?
- Зусім няшмат. Калі папрасіць сярэдняга эстонца параўнаць Украіну, Беларусь і Малдову, то адразу ніякіх адрозненняў яны не назавуць. Разуменне гэтых адрозненняў і прыхільнасць да гэтай краіны прыйшлі паступова. Мяне здзівіла, наколькі беларусы блізкія па свайму менталітэту і ўспрыманню каштоўнасцяў да эстонцаў. Звычайна ўважаецца, што балты і славяне розныя. Але ў Беларусі мы знайшлі вельмі добрае судакрананне. За ўсе дзесяць гадоў у мяне ні разу не было сітуацыі, калі я не разумеў культурны код Беларусі, каб гэта перашкаджала мне працаваць. З беларусамі мы заўсёды знаходзім агульную мову.
- Чым падобныя беларусы і эстонцы?
- Тэмперамент. У мяне ёсць магчымасць параўнаць з расейцамі, украінцамі, і яны ўсё ж такі іншыя. Эстонцы і беларусы агулам вельмі спакойныя, ураўнаважаныя, працавітыя, у нейкай меры цярплівыя. Гэта якасці, якія варта шанаваць у людзях, - сказаў Залужны.