Трамп і Кангрэс дасягнулі кампрамісу аб бюджэце ЗША
1- 23.07.2019, 13:34
- 6,186
На не абаронныя мэты будзе выдзелена на $10 мільярдаў больш, чым на абаронныя.
Прэзідэнт ЗША Дональд Трамп і лідары Кангрэса дамовіліся аб бюджэце краіны да 2020 і 2021 фінансавых гадоў і столі дзяржаўнай пазыкі. Кіраўнік дзяржавы назваў дасягнутае пагадненне «сапраўдным кампрамісам», аднак не раскрыў падрабязнасці, паведамляе dw.com.
I am pleased to announce that a deal has been struck with Senate Majority Leader Mitch McConnell, Senate Minority Leader Chuck Schumer, Speaker of the House Nancy Pelosi, and House Minority Leader Kevin McCarthy - on a two-year Budget and Debt Ceiling, with no poison pills....
— Donald J. Trump (@realDonaldTrump) July 22, 2019
Цягаму двух гадоў на не абаронныя мэты сумарна будзе выдаткавана на 10 млрд даляраў больш, чым на абаронныя, гаворыцца ў супольнай заяве Шумера, cпікера Палаты прадстаўнікоў Кангрэсу ЗША Нэнсі Пэласі і лідара дэмакратычнай меншасці ў Сенаце Чака Шумера. Са слоў Шумера, гаворка ідзе аб інвестыцыях у прыярытэты сярэдняга класа - ахова здароўя ветэранаў, адукацыя, догляд за дзецьмі і даследаванне рака.
Today, a bipartisan agreement has been reached that will invest in middle-class priorities—veterans’ health, education, child care, and cancer research.
— Chuck Schumer (@SenSchumer) July 23, 2019
Верхняя мяжа дзяржпазыкі вызначае, ці можа ўрад кампенсаваць выдаткі за кошт новых фінансавых запазычанняў. Падвышэнне гэтага ліміту з'яўляецца прэрагатывай Кангрэсу. Да 31 ліпеня 2021 года дзеяння ліміту будзе прыпыненае, гаворыцца ў тэксце пагаднення. Дасягнуты кампраміс, у ліку іншага, нівеліруе пагрозу секвестру бюджэту і ўмацуе нацыянальную бяспеку краіны, падкрэсліла Пэласі.
Наступным крокам стане адабрэнне дакумента абедзвюма палатамі Кангрэсу, каб Дональд Трамп змог падпісаць яго, адзначыў лідар рэспубліканскай большасці ў Сенаце Мітч Маконел.
У канцы 2018 года спрэчкі вакол бюджэту ЗША сталі прычынай шатдаўна - частковай блакіроўкі працы дзяржаўных устаноў ЗША. Яна прадаўжалася 35 дзён, стаўшы самай працяглай у гісторыі краіны.
