Суцяшайце сябе, спадары праўладныя, суцяшайце!

Звыклая мантра перастала працаваць.

Мяркуючы з істэрычных каментароў ваты, паўваты і іншых ахавальнікаў, мітынг расейскай апазіцыі іх моцна засмуціў, піша Telegram-канал "СерпомПО".

З раніцы адгаворваў хадзіць на Сахарава Паркер-Кананенка. «Кожны хто выходзіць сёння на мітынг павінен выразна разумець... на гэты мітынг яго запрашае Дзяржаўны дэпартамент Злучаных Штатаў Амерыкі».

Па ходзе самога мітынгу рыпелі і віскаталі ўсе праўладныя «драбіны».

«Апазіцыйны мітынг ператварылі ў канцэрт для школьнікаў»

«Ліберасты ўвесь тыдзень так моцна абураліся шашлык-фэстам, але сёння сабралі свой «фэст», проста без шашлыка»

«Сабраліся ў выніку ўсе тыя ж тысяч дваццаць, у самым лепшым выпадку, чалавек. І гэта нягледзячы на тыднёвую істэрыку ў сацыяльных сетках... А проста няма ў вас будучага, хлопцы. У Расеі ёсць, і яно цудоўнае».

«Колькі б не налічыў сёння «белы лічыльнік», зразумела што гэта будуць менавіта людзі якія прыйшлі на забаўляльнае мерапрыемства, а не на палітычны мітынг. А сэнс? Што далей рабіць будзеце? Як яшчэ людзей прыцягваць? Бясплатнае піва, бургеры і шашлыкі?»

«Пратэст у Маскве скаціўся да фармату рэп-батл. Горад ладзіць фэст – у адказ: запрошаныя зоркі Оксимирон і Кровосток».

Большасць стогнаў спраўна распаўсюджваў Каравульны.

Ну і, нарэшце, вечарам тлустую кропку, як і належыць, паставіў ТАСС, працытаваўшы супрацоўніка кірыенкаўскага Экспэртнага інстытута сацыяльных даследаванняў Матвейчава.

«Вядома, гэта правал вялікі. Аб'яўляліся 100 тысяч, запрасілі і рэпера Oxxxymiron і ўсіх астатніх - гэта значыць задача была, па сутнасці справы, ператварыць гэта ўсё ў канцэрт... Але паколькі гэта звязана з палітыкай, то прыйшло менш людзей... Праз палітыку нават гэтыя зоркі цяпер яшчэ і страцяць гледача».

Так і бачым Oxxxymiron, што галосіць (за якога калёсныя экспэрты ў пяре чамусьці прынялі галоўнага рэдактара «Медыязоны» Смірнова) і іншых выканаўцаў, якія ўдзельнічалі ў мітынгу.

Але, вядома, чакаем суровага прысуду Кісялёва-Салаўёвых - нешта на тэму сварлівай купкі набытых Захадам маргіналаў, у той час як народ усё мацней гуртуецца вакол Пуціна.

Карацей звыклую мантру: тут вам не Грузія, не Украіна, не Малдова і нават не Кыргызстан. Рэвалюцыя не пройдзе.

Суцяшайце сябе, спадары, суцяшайце.