Дзве нядаўна адкрытыя навукоўцамі планеты могуць быць прыдатнымі для жыцця
2- 11.08.2019, 21:01
- 13,972
Будучыя даследаванні, магчыма, дазволяць больш даведацца пра нядаўна адкрытыя экзапланеты.
Пра адкрыццё двух экзапланет вакол зоркі Тыгардэна стала вядома нядаўна. Планеты, якія атрымалі назвы Teegarden's Star b і Teegarden's Star c, маюць масы 1,25 і 1,33 зямной масы адпаведна; пры гэтым першая, як было высветлена навукоўцамі, верціцца вакол зоркі за 4,91, а другая - за 11,4 зямнога дня. Мяркуецца, што яны знаходзяцца ў зоне заселенасці - у той зоне каля зоркі, дзе на планеце, тэарэтычна, можа існаваць вада ў вадкай форме, піша «Популярная механика».
У новым даследаванні навукоўцы больш дэталёва вывучылі патэнцыйную прыдатнасць для жыцця гэтых двух экзапланет. Спецыялісты - на аснове аналізу даступных звестак - выказалі здагадку, што Teegarden's Star b і Teegarden's Star c «прыліўна заблакаваныя», гэта значыць заўсёды звернутыя да зоркі адным бокам: калі гэта так, то значыць, на гэтых планетах няма змены дня і і ночы. Зрэшты, калі ў гэтых экзапланет ёсць атмасфера, яна, згодна з меркаваннем навукоўцаў, зможа пераносіць цяпло з дзённага боку на начны - і гіпатэтычная вада на паверхні не павінна змерзнуць.
Teegarden's Star b і Teegarden's Star c, як паказалі навукоўцы, могуць мець на паверхні вадкую ваду, пры тым што невысокая актыўнасць бацькоўскай зоркі тэарэтычна дазваляе ім мець шчыльную атмасферу, падобную на такую ў Зямлі, і быць прыдатнымі для жыцця. Пры гэтым, згодна з разлікамі, тэмпература на Teegarden's Star b складае прыкладна 0-50 градусаў Цэльсія; на Teegarden's Star c ж - халаднейшая (прыкладна так, як на Марсе).
Будучыя даследаванні, магчыма, дазволяць больш даведацца пра нядаўна адкрытыя экзапланеты; імаверна, у гэтым зможа дапамагчы будучы магутны касмічны тэлескоп «Джэймс Уэб», які, як чакаецца, будзе запушчаны ў 2021 годзе.