23 жнiўня 2019, Пятніца, 11:22
Мы ў адной лодцы
Рубрыкі

Расея ўключае друкаваны станок

9
Расея ўключае друкаваны станок
ФОТА: REUTERS

Для «паскарэння эканомікі» надрукуюць 4 трыльёны расейскіх рублёў.

Банку Расеі, які за апошнія 5 гадоў «надрукаваў» 6 трыльёнаў рублёў для выратавання банкаў і 4,5 трыльёна рублёў для федэральнага бюджэту, трэба будзе новы маштабны раўнд грашовай эмісіі - гэтым разам для паскарэння эканомікі, што імкліва старэе і ўпарта стагнуе, піша finanz.ru.

Каб прафінансаваць нацыянальныя праекты за 25 трыльёнаў рублёў, што закліканыя ўдвая скараціць беднасць і «рыўком» дагнаць Нямеччыну, улады маюць намер выкарыстоўваць маніпуляцыі з Фондам нацыянальнага дабрабыту.

У ФНБ, дзе ў выглядзе кошыка з даляраў, еўра і фунтаў стэрлінгаў, збіраюцца даходы бюджэту ад нафты даражэй за 40 даляраў за барэль, на 1 жніўня знаходзілася 7,868 трыльёна рублёў, або 124 млрд даляраў.

Памер фонду перавысіў 7% расейскага ВУП і, згодна з законам аб бюджэце, Мінфін атрымаў магчымасць раздрукаваць «скарбонку» сумаю амаль у чвэрць золатавалютных рэзерваў краіны.

Зрэшты, расставацца з назапашанай у ФНБ валютай дзяржаве не давядзецца. Як і ў выпадку з рэзервовага фонду, працэс, які ўлады называюць «выдаткоўваннем» грошай, на справе будзе ўяўляць з сябе працу «друкаванага станка» ЦБ.

Валюту з Рэзервовага фонду, нагадаем, Мінфін прадаваў Цэнтрабанку. Той для яе канвертацыі праводзіў эмісію рублёў паводле курса, якія пералічваў у бюджэт. Так даляры, еўра і фунты заставаліся ва ўласнасці дзяржавы, змяняючы толькі фармальнага ўладальніка - з урада на ЦБ.

«Ідзе эмісійнае фінансаванне», - казаў тады экс-міністр фінансаў, а цяпер кіраўнік Падліковай палаты Аляксей Кудрын.

На тую ж схему з друкаваным станком Мінфін ускладае надзеі і цяпер. Выдаткоўваючы ФНБ у рублях, мы зробім «эмісійнае ўкладанне грошай», заявіў у чэрвені віцэ-прэм'ер Антон Сілуанаў (цытата паводле РБК): «Тое ж самае, як цэнтрабанк укладваў грошы ў аздараўленне банкаў».

Максімальны аб'ём такой эмісіі - гэта сума, на якую памер ФНБ (за вылікам ужо выдаткаваных грошай) перавышае 7% ВУП.

Згодна з законам аб бюджэце на 2019 г. і планавы перыяд 2020-21 гг, ліквідная частка фонду складзе 10,042 трыльёна рублёў на канец 2020 года (9% ВУП) і 12,878 трыльёна рублёў на канец 2021-га (10,8% ВУП).

Гэта дае магчымасць ЦБ уліць у эканоміку 2,3 трыльёна рублёў у наступным годзе і 2,2 трыльёна рублёў праз год. У суме - 4,5 трыльёна рублёў за два гады. (ВУП Мінфін ацэньвае ў 110,7 і 118,4 трлн у 2020 і 2021 гг).

У чарзе за гэтымі грашыма ўжо стаяць кіраўнік «Новатэка» Леанід Міхельсон, якому трэба 300 млрд рублёў на будаўніцтва газавозаў для ЗПГ-праектаў, кіраўнік «Раснафты» Ігар Сечын, якому не стае 2,6 трыльёна рублёў на Арктыку, віцэ-прэм'ер Юрый Барысаў , якія заклікае спісаць Br700 мільярдаў запазычанасці тым прадпрыемствам ВПК «якія жывуць надгаладзь», а таксама калега Уладзіміра Пуціна па рэзідэнтуры ў ГДР, кіраўнік «Растэха» Сяргей Чэмезаў з просьбай аб 300 млрд рублёў на праект лайнера MC-21.

Іншы варыянт - не запускаць станок, які друкуе рублі, а выдаткаваць ФНБ у валюце - у выглядзе экспартных крэдытаў. Іх урад плануе выдаваць пакупнікам несыравіннай расейскай прадукцыі за мяжой.

Схема ўжо выкарыстоўваецца пры продажы зброі, паказвае аналітык Райффайзенбанка Станіслаў Мурашоў. Іншы магчымы сектар - атамны: напрыклад, ёсць праект будаўніцтва АЭС у Егіпце за 25 млрд даляраў.

Мінус у тым, што гэтыя галіны непразрыстыя, і досыць складана будзе пракантраляваць эканамічную эфектыўнасць і аддачу ад гэтых праектаў, якая напэўна будзе нізкай, разважае Мурашоў.

З іншага боку, становіцца ясна, што запас фактараў росту эканомікі на зыходзе, і неабходны нейкі стымул, а выдаткоўванне ФНБ выглядае найбольш простым і лёгкім сродкам, дадае ён.

Эмісія 2015-17 гг перавяла банкаўскую сістэму ў рэжым прафіцыту ліквіднасці і, каб абмежаваць інфляцыю, ЦБ скараціў да нуля крэдыты REPO і пачаў аперацыі па «адпампоўцы» лішкаў рублёў - тэрміновыя дэпазіты і размяшчэнне КОБР. Іх аб'ём перавысіў 2 трыльёны рублёў. Гэтыя ж інструменты могуць быць выкарыстаны і цяпер, пішуць аналітыкі Citi.