У Беларусі кошт безалкагольных напояў можа падвысіцца на 25%

Прычына - дэпазітныя сістэма.

Першы намеснік генеральнага дырэктара ўнітарнага прадпрыемства «Кока-Кола Беўрыджыз Беларусь» Андрэй Рашчупкін на просьбу Offiсe Life пракаментаваў праект указа аб дэпазітна-залогавай сістэме (ДЗС) вяртання тары.

Топ-мэнэджар звярнуў увагу на тое, што пастанова аб стварэнні ДЗС для збору тары ад безалкагольных напояў, піва і алкаголю прымалася без сур'ёзнага эканамічнага аналізу альтэрнатыўных сістэм збору, якія давялі сваю эфектыўнасць у свеце. Напрыклад, гэта сістэма «зялёная кропка». Таксама ў прапанаваным варыянце ДЗС не знайшлі месца для ўпакоўкі ад малочнай тары, алеяў і нехарчовых прадуктаў.

«Увядзенне дэпазітна-залогавай сістэмы ў адпаведнасці з вынесеным на грамадскае абмеркаванне праектам указа значна павысіць выдаткі вытворцаў безалкагольных напояў і пітных вод. Сёння адпускны кошт літра безалкагольнага напою агулам складае блізу аднаго рубля. І вытворцы вымушаныя будуць 4 капейкі пералічваць аператару ДЗС. Іншымі словамі, блізу 4-7% прыбытку, гэта толькі плата за функцыянаванне ДЗС, а кошт напою на паліцы вырасце больш чым на 25%. Мяркуецца, што 20 капеек вернуцца спажыўцу».

Андрэй Рашчупкін адзначыў, што галіна безалкагольных напояў вельмі нізкамаржынальная, з рэнтабельнасцю 3-5%. Вытворцы не маюць магчымасці за кошт свайго прыбытку кампенсаваць гэтыя выдаткі. Давядзецца падвышаць кошты, што адаб'ецца на попыце, які апошнім часам стаў занадта нестабільны.

«Таму мы прапануем калегам яшчэ раз прааналізаваць сітуацыю з усіх бакоў. У тым ліку і з пункту гледжання развіцця галіны безалкагольных напояў».

Са слоў прадстаўніка Coca-Cola, калі палічыць усе падаткі, зборы і выдаткі на выкананне заканадаўча прадугледжаных працэдур (напрыклад, маркіроўкі), узровень канфіскацыі ў галіны безалкагольных напояў ужо складае 35-40%.

«Аб'ектыўна наш бізнэс не з'яўляецца сёння прывабным для інвестараў. Доказ гэтаму - адсутнасць новых гульцоў. Усе буйныя кампаніі на гэтым рынку прысутнічаюць даўно».

А Беларусь жа, як адзначае Андрэй Рашчупкін, мае вялікія запасы прэснай пітной і мінеральнай вады ў Еўропе. Радовішчы экалагічна чыстыя. У галіны велізарны экспартны патэнцыял. Але неабходна павышаць яе прывабнасць для інвестараў, не забываючы і пра экалогію. Падыходзіць да развязання ўсіх праблем трэба комплексна, зрабіўшы акцэнт перш за ўсё на аналітычным складніку.

«У краіне ўкаранёныя толькі некаторыя элементы Сістэмы прыродна-эканамічнага ўліку (СПЭУ), прынятыя ААН у 2012 годзе ў якасці стандартаў. Пры гэтым няма поўнай інфармацыі аб руху асноўных матэрыяльных рэсурсаў у эканоміцы, утварэнні адкідаў, іх марфалогіі, размеркаванні, уцягванні ў эканоміку. І такая фрагментарна першасная інфармацыя не дазваляе навукова абгрунтаванымі метадамі пралічыць канцэпцыі і праекты ў галіне збору і перапрацоўкі адкідаў, ацаніць іх эканамічную эфектыўнасць».

Дзеля справядлівасці Андрэй Рашчупкін зрабіў рэмарку: Мінжылкамгас плануе правесці шэраг даследаванняў. У тым ліку па марфалогіі адкідаў. Але лагічна спачатку атрымаць гэтыя лічбы, прааналізаваць іх і, зыходзячы з атрыманых вынікаў, выбраць інструменты для павышэння ўзроўню збору выкарыстанай тары.