Расейскі найміт распавёў аб тактыцы працы сакрэтнай ПВК

Расеец даў інтэрв'ю амерыканскаму тэлеканалу CNN.

Рэпарцёрка амерыканскага тэлеканала CNN Кларыса Уорд узяла інтэрв'ю ў былога найміта расейскай прыватнай вайсковай кампаніі «Вагнер», якая, на думку экспэртаў, знаходзіцца пад кантролем Крамля, і выкарыстоўваецца для дэманстрацыі моцы Расеі і падрыву палітыкі ва ўсім свеце, паведамляе zn.ua.

«Я думаю, што ўсе ўжо ведаюць, што гібрыдная вайна з'яўляецца адным з найбольш каштоўных інструментаў, якія ёсць ў расейскага прэзідэнта Уладзіміра Пуціна ў яго арсенале, няхай гэта будзе кампанія дэзінфармацыі, умяшанне ў выбары, ці ўсё больш шырокае выкарыстанне наймітаў», - сказала Уорд. «Расейскія найміты з'яўляюцца, як мы даведаліся, у краінах ва ўсім свеце, часцяком у нестабільных краінах, іх выкарыстоўваюць для ўзмацнення ўплыву Расеі, а таксама для таго, каб падолець такіх геапалітычных канкурэнтаў, як ЗША».

Афіцыйна Крэмль кажа, што не мае ніякага дачынення да наймітаў, але вагнеравец «Алег» распавёў тэлеканалу зусім іншую гісторыю.

«Я найміт», - сказаў «Алег», які ваяваў у Сірыі. Ягоны твар схаваны і зменены голас. «90 адсоткаў удзельнікаў кампаніі былі, як я, матываваныя грашыма».

Нягледзячы на тое, што Расея адмаўляе існаванне, у ПВК «Вагнер» ёсць «сотні баевікоў, што дзейнічаюць на трох розных кантынентах, якія павінны імгненна рэагаваць і выконваць падстаўленыя перад імі задачы». ПВК арганізаваў Яўген Прыгожын, якога называюць «Поварам Пуціна» праз шматлікія кейтэрынгавыя кантакты ягонай кампаніі з Крамлём. Прыгожына таксама называюць заснавальнікам «фабрыкі троляў», якая выкарыстоўвалася для спробаў умяшання ў выбары прэзідэнта ЗША 2016 года і іншыя кампаніі дэзінфармацыі, уключаючы тую, якая спрабавала абвінаваціць Украіну ў катастрофе рэйса MH17 на Данбасе.

Журналісты CNN паехалі ў расейскую вёску Молкіна, каб паспрабаваць дабрацца да трэніровачнага лагера ПВК «Вагнер», і «выявілі, што ў групоўкі дзіўна блізкія стасункі з расейскімі вайскоўцамі», - сказала Уорд. «Адзіны спосаб пракрасціся ў казармы Вагнера - гэта прайсці праз кантрольна-прапускны пункт, які ахоўваюць вайскоўцы, бо ён фактычна належыць падраздзяленню расейскага спецназа».

Недалёка ад Молкіна знаходзіцца помнік загінулым баевікам Вагнера. Наведвальнікаў там не чакаюць. Рэпарцёры CNN здымаюць на схаваную камеру. «Неўзабаве да нас падыходзіць ахоўнік... Яны не пусцілі нас унутр, што нядзіўна, бо ў гэтым злучэнні ёсць адзіны адчувальны, бачны довад таго, што ПВК «Вагнер» сапраўдная»

«Магчыма, няма нічога дзіўнага ў тым, што помнік фінансуецца кампаніяй, якая належыць Прыгожыну», - сказала Уорд. «Пяць гадоў таму ў Крыме вайскоўцы без апазнавальных знакаў, якіх называлі «зялёнымі чалавечкамі», дапамаглі акупаваць Крым. Гэта быў поспех кампаніі, і выкарыстанне Масквой наёмных сіл з тых часоў ўзрасло».

Аналітыкі кажуць, што такое не можа адбывацца без адабрэння Пуціна.

«Расея спрабуе здушыць ЗША», - сказаў найміт «Алег». «Усякім спосабам можна выкарыстоўваць легальныя і нелегальныя сродкі. РФ спрабуе разбіць ЗША, неяк справіцца з гэтым. Што з гэтага атрымаецца ў выніку? Думаю, нічога добрага».

«Але для прэзідэнта Расеі Уладзіміра Пуціна Вагнер па-ранейшаму з'яўляецца годнай гульнёй, расходнай баявой сілай без адказнасці і ўліку», - рэзюмуе Уорд.

У канцы студзеня СБУ апублікавала спіс са 149 чальцоў ПВК «Вагнера», якія бралі непасрэдны ўдзел у падаўленні дэмакратычных пратэстаў у Судане ў пачатку 2019 года. Паводле інфармацыі структуры, усяго выяўленыя 1012 асоб, якія са жніўня да снежня 2018 года самалётамі Ту-154М былі перанакіраваныя ў Судан, ЦАР і іншыя афрыканскія краіны на ратацыйнай аснове.