Навальны знайшоў у маскоўскага чыноўніка пентхаус за паўтара мільёна даляраў

Фонд барацьбы з карупцыяй Навальнага запусціў спецпраект «Маскоўскі карупцыянер».

Фонд барацьбы з карупцыі (ФБК) Аляксея Навальнага пачаў новы спецпраект «Маскоўскі карупцыянер». «Мы запусцілі наш следчы варштат і будзем выпускаць расследаванні з такой частатой і інтэнсіўнасцю, з якой ніколі не працавалі ні мы, ні хто-небудзь яшчэ», - напісаў апазіцыйны палітык на сваім сайце ў Інтэрнэце ў чацвер, 15 жніўня.

А кіраўнік аддзела расследаванняў ФБК Георгія Албураў так патлумачыў мэту новага праекта ў сваім Twitter: «Да «выбараў» не павінна застацца ніводнага масквіча, які будзе думаць, што ў маскоўскай мэрыі і Масгардуме сядзіць хоць адзін прыстойны чалавек».

У штабе Навальнага таксама дадалі, што "«Маскоўскі карупцыянер» стане «свайго кшталту адказам уладам на тое беззаконне і тэрор, які яны стварылі супраць незалежных кандыдатаў, выбарцаў і супрацоўнікаў ФБК», піша DW.

Пентхаус для старшыні

Героем першага расследавання стаў старшыня Масгардумы Аляксей Шапашнікаў. Даследуючы звесткі з Адзінага дзяржаўнага рэестра нерухомасці, следчыя ФБК высветлілі, што палітык з’яўляецца ўладальнікам сяміпакаёвага пентхауса ў цэнтры Масквы. Двухузроўневая нерухомасць займае плошчу без малога 270 кв. метраў.

Кошт пентхауса ў ФБК ацанілі на 95 млн рублёў. Яшчэ паўтара мільёна рублёў, са звестак выведніка, каштуе падземны гараж, які належыць Шапашнікаву. Паводле дакументаў, выкладзеных ФБК, палітык валодае кватэрай з 2010 года, яна пазначана ў ягонай дэкларацыі аб даходах. Пры гэтым у 2018 годзе Шапашнікаў задэклараваў даходы на 24,4 млн рублёў (годам раней яны склалі 5,5 млн рублёў).

Цяперашні старшыня Масгардумы, абраны ў яе склад ад партыі «Адзіная Расія», балатуецца на выбарах у маскоўскі парламент 2019 года ў адной з акругаў на самай ускраіне Масквы як самавылучэнец. Выбары ў Масгардуму, на якія не дапусцілі шэраг незалежных апазіцыйных палітыкаў, павінны прайсці 8 верасня.