Чыноўнікі напішуць правілы карыстання электрасамакатамі
33- 5.08.2019, 9:42
- 16,842
Больш магутныя прылады будуць прыраўноўвацца да мапедаў.
Змены ў заканадаўстве, якія будуць рэгламентаваць правілы карыстання электрасамакатамі, набудуць моц найбліжэйшым часам.
Пра гэта распавёў афіцыйны прадстаўнік УДАІ МУС Станіслаў Салавей у праграме "Тыдзень" у эфіры тэлеканала СТВ, паведамляе БелТА.
"Падрыхтаваныя змяненні ў заканадаўства, якія найбліжэйшым часам увойдуць у дзеянне, - адзначыў Станіслаў Салавей. - Электрасамакат можа развіваць хуткасць да 25 км/г, а часам і значна больш. Плануецца, што карыстальнікі прылад, якія развіваюць хуткасць да 25 км/г, будуць прыраўноўвацца да пешаходаў. Больш магутныя прылады з электрарухавікамі ўжо будуць прыраўноўвацца да мапедаў альбо матацыклаў, на якія трэба пасведчанне кіроўцы, тэхагляд і страхоўка".
Раней відавочцы не раз паведамлялі пра выпадкі, калі ў Менску карыстальнікі электрасамакатаў развівалі хуткасць больш за 60 км/г. Адзін такі выпадак зарэгістраваў радар.