Ва Украіне зноў патаннеў газ для насельніцтва
20- 8.08.2019, 20:07
- 18,459
З красавіка кошты газу для ўкраінцаў знізіліся ўжо на 25,4%.
Нацыянальная акцыянерная кампанія Нафтагаз Украіны зніжае кошт газу для насельніцтва яшчэ на 5,1%. Пра гэта паведамляе korrespondent.net са спасылкай на прэс-службу Нафтагаза.
Паведамляецца, што Нафтагаз разлічыў новы кошт газу для патрэб насельніцтва і іншых спажыўцоў паводле ПСЗ (права сацыяльнага забеспячэння) на жнівень. Новы кошт вызначаны на ўзроўні 4 653,54 грыўняў за тысячу кубаметраў (без уліку ПДВ і транспартных выдаткаў).
У параўнанні з ліпенем кошт газу знізіцца на 5,1%. Канчатковы кошт газу ў рэгіёнах будзе залежаць ад тарыфу на размеркаванне газу, устаноўленага НКРЭКУ для адпаведнага абл- ці гаргазу. Пастаўшчыкі газу абавязаны паведаміць спажыўцам аб канчатковым кошце.
Адзначым, з красавіка кошт газу для насельніцтва знізіўся ўжо на 25,4%.