19 верасня 2019, Чацвер, 14:38
Мы ў адной лодцы
Рубрыкі

Маме і малышу з Кобрына, што атруціліся грыбамі, перасадзілі адну печань на дваіх

25
Маме і малышу з Кобрына, што атруціліся грыбамі, перасадзілі адну печань на дваіх
ФОТА: САЦЫЯЛЬНЫЯ СЕТКІ МАРЫІ ЛЮБІМАВАЙ

Жанчыне перасадзілі 70% органа, малому - 30%.

Тыдзень таму жыццё Любімавых падзялілася на да і пасля. Нагадаем, мама, тата і дзіця паелі грыбоў, сабраных у парку, сярод якіх была і бледная паганка. Цяжкае атручванне, аперацыя, надзея, смерць і пахаванне - усё гэта за 7 дзён. 24-гадовы Павел памёр у бальніцы, 22-гадовая Маша і 1,5-гадовы Міраслаў патрапілі ў рэанімацыю транспланталогіі органаў і тканак. Кожны дзень у гэтай рэзананснай гісторыі з'яўляюцца новыя падрабязнасці.

Маці дзяўчыны, якая знаходзіцца ў шпіталі, распавяла kp.by, як лекары ратавалі яе дачку і ўнука.

- У той дзень, калі іх прывезлі ў клініку, туды паступіла тры донарскія печані. На шчасце, адна з іх падышла Машы з Міраславам - у іх адна група крыві. Калі б не гэты орган, яны б памерлі: калі іх разрэзалі, свая печань у іх была ўжо белая. Дзіцяці перасадзілі 30% органа, а Машы - 70%.

Першым прааперавалі дзіцяці: праз разбурэнне печані ў яго пачаў ацякаць мозг, таму прыцягвалі і нейрахірурга. Машу аперыравалі больш за 7 гадзін. Яд грыбоў моцна абпаліў страўнік і ён сыходзіў крывёй нават праз некалькі дзён пасля хірургічнага ўмяшання. Але абедзве аперацыі прайшлі паспяхова, мы вельмі ўдзячныя лекарам, санітаркам і медсёстрам, - распавяла «КП» Людміла, маці пацярпелай дзяўчыны.

Цяпер Маша з дзіцем знаходзяцца ў цяжкім стане ў РНПЦ транспланталогіі органаў і тканак. Дзіця ў рэанімацыі, а Марыю ўжо перавялі ў аддзяленне, - паведамляюць ва ўстанове аховы здароўя.

«Нам ужо лепей, жывыя! Дзякуй маім родным людзям за клопат, за веру ў нас!» - напісала дзяўчына ў сацсецы. Міраслаў яшчэ ў лекавай коме, але зрэнкі рэагуюць на святло, ён тузае ножкамі і ручкамі і адрознівае галасы.

Нагадаем, няшчасны выпадак у сям'і Любімавай адбыўся 3 верасня. Павел і Марыя прыгатавалі вячэру - бульбу з грыбамі, паелі самі і пакармілі дзіця. Неўзабаве ўсім стала дрэнна, і сям'я аказалася ў прыёмным пакоі Кобрынскай ЦРБ з падазрэннем на атручванне бледнай паганкай. Медыкі аказалі неабходную дапамогу пацыентам, але іх стан быў настолькі цяжкім, што патрабаваліся сілы і магчымасці лекараў абласнога і рэспубліканскага ўзроўняў. Так Павел аказаўся ў Берасцейскай абласной бальніцы, а Марыю з Міраславам экстрана даставілі ў РНПЦ трансплантацыі органаў і тканак.

Праз некалькі дзён мужчына памёр. Чаму яго не перавезлі ў Менск? Сястра хлопца Крысціна распавяла, што ў яго быў атручаны ўвесь арганізм - надзея была толькі на пераліванне крыві. Але гэта не дапамагло: уначы 7 верасня Павел памёр.

Сітуацыя ў сям'і Любімавай стала рэзананснай. У сацсетках кіпяць страсці на тэму таго, хто вінаваты. Сама Марыя нядаўна апублікавала запіс, у якім паведаміла, што атруціў яе муж... Святло на тое, што адбылося праліла мама Марыі - адна з нямногіх, хто цяпер мае доступ у яе палату.

- Я сама толькі наважылася ў яе спытаць, што адбылося. Маша распавяла, што грыбы збіраў муж - ён аматар ціхага палявання і добра ў іх разбіраўся. Ён жа і прыгатаваў вячэру. Дзіця пакармілі бульбай з фаршам і яйкам. Крыху пазней далі грудное малако - мабыць, яд і трапіў да дзіцяці праз гэта малако, бо страўнік ў малога абпалены не быў. Затым Маша з Пашам пайшлі ў клуб, а раніцай дачцэ стала так дрэнна, што яна не магла выклікаць «хуткую». Яе пастаянна ванітавала, яна нават не магла ўстаць з канапы. Паша ў гэты момант знаходзіўся побач, яму таксама было дрэнна, але лекараў ён выклікаў толькі пасля таго, як Маша сказала, што памірае. У дачкі да апошняга не было думак, што яна атруцілася грыбамі: Паша быў заўзяты грыбнік. Таму Маша і напісала, што іх атруцілі, - патлумачыла Людміла.