Якім будзе надвор'е на выходных

Прагноз надвор'я па Беларусі на 13–15 верасня.

13 верасня надвор'е Беларусі ў асноўным будзе вызначаць вобласць павышанага атмасфернага ціску, толькі ў другой палове дня па паўночным захадзе краіны адаб'ецца ўплыў франтальнага падзелу, паведамляе Гідрамет.

Уначы чакаецца пераменная воблачнасць, удзень воблачна з праясненнямі. Пераважна без ападкаў, толькі ў другой палове дня месцамі па паўночным захадзе краіны кароткачасовыя дажджы. Ноччу і раніцай у асобных раёнах слабы туман. Вецер: ноччу паўднёва-заходні слабы да сярэдняга, удзень заходні парывісты. Тэмпература паветра мінімальная ноччу +8... +14°С, месцамі +5... +7°С; максімальная ў сярэдзіне дня ад +17°С па паўночным захадзе да +25°С па паўднёвым усходзе краіны. Атмасферны ціск уначы істотна не зменіцца, удзень будзе падаць.

14 верасня на тэрыторыю краіны пачне паступаць халодная няўстойлівая паветраная маса са Скандынаўскага паўвострава. Чакаецца воблачна з праясненнямі. Ноччу месцамі, удзень пераважна па паўночна-ўсходняй палове кароткачасовыя дажджы. Вецер заходні, паўночна-заходні парывісты, у асобных раёнах моцны парывісты. Тэмпература паветра мінімальная ноччу +7... +12°С, па паўднёвым усходзе да +14°С, максімальная ўдзень +13... +20°С.

15 верасня надвор'е будзе вызначаць халодная паветраная маса паўночнаатлантычнага паходжання, удзень па паўночна-ўсходняй палове краіны адаб'ецца ўплыў франтальнай сістэмы. Уначы чакаецца воблачна з праясненнямі, без істотных ападкаў. Раніцай і ўдзень воблачна, пераважна па паўночна-ўсходняй палове краіны кароткачасовыя дажджы. Вецер заходні, паўднёва-заходні сярэдні, удзень месцамі на поўначы моцны парывісты. Тэмпература паветра мінімальная ноччу +3... +9°С, максімальная ўдзень ад +10°С па поўначы да +22°С на паўднёвым захадзе краіны.

Увага! У найбліжэйшыя дні па паўднёвым усходзе краіны захаваецца высокая пажаранебяспека, у асобных раёнах Гомельскай і Берасцейскай абласцей чакаецца надзвычайная пажаранебяспека. Будзьце асцярожныя з агнём!