Амаль 60% расейцаў не маюць зберажэнняў

Даходы жыхароў РФ прадаўжаюць падаць.

Амаль 60% расейцаў не маюць асабістых зберажэнняў, гаворыцца ў супольным даследаванні банка «Адкрыццё» і страхавой кампаніі «Расдзяржстрах Жыццё», піша finanz.ru.

«59% расейцаў не маюць асабістых зберажэнняў, 41% збірае, але большасці з іх усё радзей удаецца адкладаць. Толькі 15% апытаных паведамілі, што за мінулыя 5 гадоў яны павялічылі памер рэгулярнай сумы ў скарбонку», - гаворыцца ў даследаванні.

Камфортны для назапашвання ўзровень даходаў, на думку 27,1% апрошаных, вар'юецца ад 45-55 тысяч расейскіх рублёў на месяц на аднаго сямейніка. 20,9% апытаных паказалі, што гатовыя адкладаць сродкі пры даходах звыш 55 тысяч рублёў штомесяц. 17,5% удзельнікаў апытання ўважаюць за камфортны для зберажэнняў узровень даходаў 25-35 тысяч руб, 10,6% рэспандэнтаў назвалі даходы 15-25 тысяч руб дастатковымі, каб пачаць збіраць. Пры гэтым амаль 2% апытаных уважаюць за магчымае адкладаць сродкі пры прыбытку 10-15 тысяч руб.

У матэрыяле адзначаецца, што за 2018 год сярэдні ўзровень даходу склаў 33 тысячы рублёў на месяц на аднаго расейца.

Большасць апытаных рэспандэнтаў, якія маюць зберажэнні, адзначылі, што трымаюць іх гатоўкай (58,9%). 30,3% рэспандэнтаў паказалі, што для назапашвання выкарыстоўваюць банкаўскі ўклад, 5,4% набываюць валюту на назапашаныя сродкі.

Большая частка апытаных (23,9%) заявіла, што адкладае сродкі «без канкрэтнай мэты на «чорны дзень». Роўныя долі рэспандэнтаў (16,2%) паказалі, што адкладаюць на кватэру і на кароткатэрміновыя мэты, такія, як падарожжа і бытавая тэхніка. На адукацыю дзяцей адкладаюць 12,1%.

Сярод расейцаў, якія маюць зберажэнні, большасць адкладаюць сродкі з заробку і пенсій.

«Ва ўмовах падзення рэальных даходаў расейцы адкладаюць грошы рэгулярна з заробку, пенсій, прэмій і бонусаў. Пра гэта паведамілі 58% рэспандэнтаў. Пакінутыя 30,7% робяць гэта выбарачна - з продажу маёмасці, атрыманай спадчыны, падарункаў і іншых буйных фінансавых падзей. Прычым 67,8% адкладаюць да 10% прыбытку, а 2,9% сказалі, што могуць адкладаць ад 50% і больш», - адзначаецца ў матэрыяле.

У даследаванні ўзялі ўдзел 1500 рэспандэнтаў. Большасць рэспандэнтаў (40,1%) жывуць у гарадах-мільённіках, 14,1% - у населеных пунктах з колькасцю насельніцтва, меншай за 100 тысяч чалавек, 13,7% пражываюць у населеных пунктах ад 100 да 500 тысяч чалавек.