Bloomberg: Скачок коштаў нафты пасля нападу ў Саудаўскай Арабіі быў самым вялікім у гісторыі

Атака прывяла да скарачэння здабычы нафты ў Саудаўскай Арабіі ўдвая.

Пасля нападу на нафтавыя аб'екты ў Саудаўскай Арабіі нафта падаражэла да $71 за барэль. Гэта самы вялікі ў гісторыі скачок коштаў нафты за адзін дзень, піша Bloomberg (пераклад - nv.ua).

Атака прывяла да скарачэння здабычы нафты ў Саудаўскай Арабіі ўдвая - на 5,7 млн барэляў за дзень. ЗША абвінавацілі ў нападзе Іран. У Тэгеране дачыненне да атакі адмаўляюць.

Падчас пачатку таргоў у панядзелак кошты нафты маркі Brent на лонданскай біржы імкліва выраслі - у першыя секунды пасля адкрыцця гандлю рост склаў 12%. Гэта самы вялікі скачок з моманту пачатку таргоў у 1988 годзе. Пазней кошты знізіліся, адыграўшы прыкладна палову скачка на 20%.

Атака адбілася і на фінансавых рынках. Вырас попыт на бяспечныя актывы, такія як золата, ена, дзяржаблігацыі ЗША. Гэта тлумачыцца асцярогамі з нагоды геапалітычных наступстваў нападаў.

14 верасня з дапамогай дронаў былі атакаваныя найбуйнейшыя нафтаперапрацоўчыя заводы Саудаўскай Арабіі. ЗША абвінавацілі ў нападзе Іран.

У МЗС Ірана адзначылі, што абвінавачванні неабгрунтаваныя.

У сувязі з інцыдэнтам прэзідэнт ЗША Дональд Трамп аддаў распараджэнне дастаць нафту з амерыканскіх рэзерваў.