Як змяніліся кошты ў сталоўцы за пяць гадоў

Што можна было з'есці ў сталоўцы на 2 рублі пяць гадоў таму і што можна набыць сёння.

У рэальнасці лічбы выглядаюць не такімі аптымістычнымі, як на паперы. Каб ацаніць узровень рэальнай інфляцыі, intex-press.by паглядзела, як змяніліся кошты ў сталоўцы за апошнія пяць гадоў.

Для чысціні эксперыменту журналісты ўзялі чэк за жнівень 2014 года і ў апошніх датах жніўня 2019-га выправіліся ў тую ж сталоўку. Праўда, схадзіць давялося двойчы, бо ўсіх страваў з чэка пяцігадовай даўнасці ў адзін дзень у меню не было.

Пяць з шасці

Такім чынам, у чэку пяць гадоў таму быў наступны набор страваў: рыбныя тэфтэлі з грэчкай пад поліўкай, салата з буракоў, кампот і кекс у якасці дэсерту. Каштаваў увесь абед троху больш за два рублі.

Калі журналісты прыйшлі ў сталоўку ў жніўні гэтага года, грэчкі не было (хоць у меню яна была і кошт на яе можна было запісаць), не было таксама і тэфтэляў. Але на наступны дзень адсутныя стравы ў меню з'явіліся і з асобных кавалачкаў пазла, нарэшце, атрымалася сабраць усю «карціну».

Самая танная страва ў чэку, калі не лічыць поліўкі, – гэта кампот. Але пры гэтым ён больш за ўсё і падаражэў: кошт на кампот за пяць гадоў вырас у 2,5 разы! І гэта пры тым, што складнікі кампоту раслі значна больш нізкімі тэмпамі. Больш за ўсё падаражэла вада – недзе ў 1,5 разы, а цукар і садавіна-гародніна выраслі ў кошце адсоткаў на 60.

Таксама ў меню істотна падаражэлі поліўка і салата – прыкладна ў 1,6 разы. А вось самае дарагое ў чэку – рыбныя тэфтэлі – дадалі ў кошце менш за ўсё. Яны за пяць гадоў падаражэлі прыкладна на 35%.

Мінус салата і гарнір

У цэлым, калі пяць гадоў таму на два рублі з капейкамі журналісты фактычна маглі дазволіць сабе паўнавартасны абед з дэсертам, то сёлета на тую ж суму паабедалі значна больш сціпла: без салаты і мучнога.

Тым не менш, на жаль, рэальных заробкаў беларусаў статыстыка не адлюстроўвае.