Мянчук збіў кіроўцу бейсбольнай бітай праз акно аўтамабіля
37- 18.09.2019, 19:48
- 32,921
Канфлікт узнік паміж 21-гадовым кіроўцам «Дэў Маціз» і 33-гадовым кіроўцам «Паршэ Каен».
33-гадовы мянчук стаў фігурантам крымінальнай справы пасля вулічнай сваркі, паведамляе прэс-служба Следчага камітэта.
Здарэнне адбылося ўвечары 12 ліпеня на рэгуляваным перакрыжаванні на вуліцы Арлоўскай у Менску. Канфлікт узнік паміж 21-гадовым кіроўцам «Дэў Маціз» і 33-гадовым кіроўцам «Паршэ Каен». Аўтамабілі спыніліся на скрыжаванні. Пры гэтым кіроўца «Паршэ» выйшаў і праз адкрытае акно аўтамабіля тройчы ўдарыў апанента рукамі і пяць разоў - бейсбольнай бітай па галаве і целе. Потым ён сеў у сваё аўто і паехаў.
Падчас расследавання крымінальнай справы следчыя выявілі, што мужчына яшчэ ў 2016 годзе быў пазбаўлены пасведчання кіроўцы транспартам. Ён прызнаў сваю віну і раскаяўся ў зробленым.
Кіроўцу ўзялі пад варту. Супраць яго распачатая крымінальная справа за асабліва злоснае хуліганства. Крымінальная справа перададзеная пракурору для накіравання ў суд.