Жыхар Карэлічаў: Перад прыездам Лукашэнкі новы асфальт пасыпалі цэментам, каб выглядаў старым
8- 20.09.2019, 21:29
- 26,090
Аднак у гарадскі пасёлак ён так і не прыехаў.
20 верасня Аляксандр Лукашэнка наведаў Карэліцкі раён. Спачатку ён заехаў на адно з сельгаспрадпрыемстваў, а затым азнаёміўся з работай прадпрыемства «Карэлічы-Лён».
Як распавялі «Салідарнасці» жыхары Карэлічаў, да візіту Лукашэнкі гарадскі пасёлак рыхтавалі некалькі тыдняў. У гарадскім пасёлку ўвесь гэты час цыркулявалі чуткі пра розныя даты яго прыезду.
Але ў выніку ў сам райцэнтр Аляксандр Лукашэнка так і не зазірнуў.
Што, зрэшты, не перашкодзіла міліцыі выставіць на скрыжаваннях пасты.
- Такое ўражанне, што там былі міліцэйскія чыны не ніжэй маёраў, - падзяліўся назіраннямі мясцовы жыхар.
З яго слоў, ля льнозавода да прыезду Лукашэнкі паклалі новы асфальт. А каб яго навізна не кідалася ў вочы, дарогу пасыпалі зверху цэментам.