Сабянін прадказаў крах Расіі

У выпадку пераходу да «ваеннай эканомікі».

Пераход расійскай эканомікі на ваенныя рэйкі будзе роўназначны «забойству» краіны, — заявіў у інтэрв'ю ТАСС у сераду мэр Масквы Сяргей Сабянін.

Паводле яго слоў, прапановы аб увядзенні «ваеннай эканомікі», якія гучаць ужо некалькі гадоў, а напярэдадні былі зноў агучаныя дэпутатам Дзярждумы Андрэем Калеснікам, з'яўляюцца «нікчэмнымі».

«Калі не будзе самой эканомікі мірнага жыцця, не будзе падаткаў, не будзе даходаў насельніцтва, палітычная сітуацыя будзе зусім іншая, то і мы не дасягнем поспеху ў вайне. А забіць жыццё, забіць нармальную эканоміку — гэта ўвогуле забіць краіну. Таму гэта такія непатрэбныя, нікчэмныя размовы, якія вядуць людзі, якія ў гэтым не разбіраюцца, як вядзецца сучасная эканоміка, сучасная вайна», — сказаў Сабянін.

Чуткі пра магчымы пераход да мабілізацыйнай эканомікі з увядзеннем дадатковых абмежаванняў для грамадзян і бізнесу зноў узмацніліся вясной, калі раптоўна з публічнай прасторы знікла кіраўніца ЦБ РФ Эльвіра Набіуліна, піша The Moscow Times.

Яна прапусціла Пецярбургскі міжнародны эканамічны форум і, як сцвярджалі крыніцы «МО», прапанавала сысці ў адстаўку з-за нібыта наяўных планаў увесці ў краіне ваеннае становішча, закрыць межы і ўзмацніць дзяржаўны кантроль над эканомікай.

Тады ж з'явіліся чуткі пра адстаўку прэм'ера Міхаіла Мішусціна, што стала прамым адлюстраваннем «нервовасці эліт вакол стану эканомікі», — пісаў палітолаг Ілля Грашчанкоў: узнік страх перад зменай урада з мандатам на новую эканамічную сістэму — умоўны Дзяржплан, эканоміку ваеннага заказу, ручное размеркаванне рэсурсаў і прыярытэт прамысловай мабілізацыі.

Пры гэтым эканамічная мабілізацыя можа суправаджацца ваеннай — то бок аднаўленнем прымусовага прызыву расіян на фронт, пісалі эксперты Інстытута вывучэння вайны (ISW) і Міжнароднага інстытута стратэгічных даследаванняў (IISS). Пра магчымую мабілізацыю восенню, пасля думскіх выбараў, паведамлялі крыніцы The Washington Post і The Wall Street Journal сярод еўрапейскіх і амерыканскіх чыноўнікаў, а таксама суразмоўцы «Важных историй» і «Верстки», блізкія да буйных кампаній і кіраўніцтва рэгіёнаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com