Віталь Жукоўскі: Глеба выстарчыла б і на цэлую гульню

Настаўнік «Іслачы» пракаментаваў гульню ветэрана каманды.

Галоўны трэнер «Іслачы» Віталь Жукоўскі пракаментаваў перамогу над «Энэргетыкам» -БДУ (2:1) у матчы 22-га тура вышэйшай лігі, паведамляе pressball.by.

- Вялікі груз на нас ляжаў у плане выніку. Мы добра ўвайшлі ў гульню, забілі хуткі мяч. Але потым зноў гэтая боязь, што нешта не атрымаецца нават у дасведчаных гульцоў. І гэта, вядома, дужа адбівалася. Было б лягчэй, калі б забілі пенальці. Але гэта спорт. Выдатна згуляў брамнік. І я не сказаў бы, што Аляксандр нейкую памылку моцную дапусціў падчас прабіцця. Гэта адзін з такіх ключавых эпізодаў. А што тычыцца другога тайма, то вельмі несамавіта выйшлі. А пасля 1:1 адразу пачынаем уключацца. Даволі высокі ўзровень паказалі. І забілі заслужаны гол, бо вялікімі сіламі ішлі наперад. Але пасля яго зноў жа нервовасць, гэтыя складанасці. Часта, калі каманда губляе пераможны тонус, пачынаецца такая нервовасць. Хоць цікавыя моцныя каманды з гэтым неяк спраўляюцца. Нам на гэтым этапе трэба працаваць. Ну і трэба аддаць належнае спаборніку. Ён супрацьстаяў. У іх наогул на мяжы: ім патрэбныя балы. І мы ведалі, што лёгкай гульні дакладна не будзе. Так склалася, што сёлета гуляем трэці раз, і ні разу не было лёгка. Задаволеныя, што перамаглі ў такой складанай гульні. Віншую і заўзятараў: даўно я гэтага не рабіў. І каманду: вельмі ўдзячны хлопцам за тое, што яны сёння зрабілі.

- Глеб выйшаў у стартавым складзе. Як ацэніце ягоныя дзеяння? І на ўсю гульню яго пакуль не выстарчае фізічна?

- Ведаеце, выстарчыла б на цэлую гульню. Але ён гуляў у большай ступені па дваццаць хвілін. І цяпер на штучным пакрыцці - яно добрай якасці, але мяккае - даваць яму больш за 60 хвілін было б з майго боку неразумна. Афанасьеў выйшаў выдатна, актыўна. У нас у гэтым плане ўсё стала нармальна, як і было за Сашам. Рады, што ён атрымаў з намі першую перамогу. І галявую перадачу аддаў.