У Санкт-Пецярбургу дэпутаты замянілі партрэт Пуціна на фота Сахарава
11- 30.09.2019, 21:43
- 21,879
Рашэнне было прынятае аднагалосна.
У Санкт-Пецярбургу дэпутаты муніцыпальнага сходу раёна Ліцейны на першым пасяджэнні пасля выбараў прынялі пастанову адмовіцца ад размяшчэння ў зале пасяджэнняў партрэтаў «жывых палітычных дзеячаў». Гэта значыць, што ў зале будзе зняты партрэт прэзідэнта Расеі Уладзіміра Пуціна, паведамляе svoboda.org.
Замест яго дэпутаты наважылі змясціць у зале партрэт акадэміка Андрэя Сахарава «як знак павагі да барацьбы за свабоду, дэмакратыю і правы чалавека».
Первое решение в петербургском округе «Литейный», где по итогам выборов большинство получило «Яблоко». В помещении совета депутатов запретили вешать портреты «здравствующих политических деятелей» и вместо Путина повесили портрет правозащитника Андрея Сахарова. pic.twitter.com/n8OzzlLKpn
— Партия ЯБЛОКО (@yabloko) 30 сентября 2019 г.
Пастанова была прынятая аднагалосна. У пасяджэнні не ўдзельнічалі прадстаўнікі «Адзінай Расеі», якія паводле вынікаў выбараў страцілі большасць у савеце. Яна ў партыі «Яблык».
Раней муніцыпальныя дэпутаты ў Фрунзенскім раёне, дзе большасць атрымала «Партыя Росту», знялі са сцяны партрэты Пуціна і губернатара Аляксандра Беглова. Іх, зрэшты, пасля павесіў у сябе ў кабінеце кіраўнік муніцыпальнай акругі.
