Ілан Маск даў параду заснавальніку Twitter
- 18.01.2020, 12:59
- 27,867
Кіраўнік Tesla і SpaceX апавёў, што ён зрабіў бы для паляпшэння працы сацыяльнай сеткі.
Стваральнік Twitter Джэк Дорсэй падчас нарады з супрацоўнікамі кампаніі стэлефанаваўся праз відэасувязь з кіраўніком Tesla і SpaceX Іланам Маскам і спытаў у яго рады ў паляпшэнні працы сацсеткі. Пра гэта паведаміла агенцтва Bloomberg.
"Калі б вы ўзначальвалі Twitter, што б вы зрабілі?" – звярнуўся Дорсэй да Маска.
Кіраўнік Tesla адказаў, што мяркуе карысным вызначыць рэальных карыстальнікаў і ботаў, якія пад іх маскуюцца.
What @elonmusk thinks Twitter could be doing better. #OneTeam pic.twitter.com/BvAUee7rmn
— Mary Kate (@_maryjordan) 16 января 2020 г.
Ён падкрэсліў, што карыстальнікі сацсетак выступаюць супраць маніпуляцый з боку "розных зацікаўленых групаў".
Як адзначае Bloomberg, Маск уладальнік аднаго з самых папулярных акаўнтаў сацсеткі: у яго 30,7 мільёна падпісчыкаў. Мільярдэр рэгулярна стасуецца з іншымі карыстальнікамі і часта сутыкаецца з крытыкай з боку групы карыстальнікаў, якія публікуюць негатыўныя твіты з хэштэгам TSLAQ.
Раней паведамлялася, што Маск абавязаўся ўзгадняць з юрыстамі ўсе запісы ў Twitter, якія маюць дачыненне да фінансаў кампаніі Tesla.