Відэафакт: Беларускі хакеіст заступіўся за партнёраў па камандзе і паклаў на лёд двухмятровага чэха
11- 22.01.2020, 21:08
- 28,237
Раман Грабарэнка пабіўся з Лукашам Каваржам.
Беларускі абаронца «Лібераца» Раман Грабарэнка заступіўся за партнёраў і пабіўся з гульцом «Вітковіцэ» Лукашам Каваржам, які некалькі разоў груба атакаваў партнёраў беларуса, паведамляе pressball.by.
Грабарэнку атрымалася ўкласці двухмятровага чэха, пасля чаго суддзі іх разнялі. Напрыканцы Раман яшчэ раз штурхнуў апанента ў грудзі, калі той падняўся, пасля чаго Лукаш ледзь не ўпаў на лаўку для запасных.
За гэты інцыдэнт Грабарэнку выпісалі 12 хвілін штрафу. 27-гадовы беларускі хакеіст выступаў на чатырох чэмпіянатах свету, нагадвае belarushockey.com.