Вынік санкцый: У Расеі закрываюцца гіпермаркеты

Застаюцца маленькія гастраномы а-ля СССР.

Сёння будзе цікавы і важны допіс пра тое, што адбываецца ў нашай суседцы-Расеі, піша вядомы беларускі блогер Максім Міровіч для maxim-nm.livejournal.com. Роўна два гады таму я выпусціў допіс пра тое, чым напраўду кормяць расейцаў - у якім паказаў фота аднаго з расейскіх гіпермаркетаў.

І вось цяпер прыходзяць навіны яшчэ больш несуцяшальныя - у Расеі і зусім пачалі закрывацца сеткі буйных супермаркетаў - такія як «Ашан» (уласна, у ім і былі зробленыя фота для майго рэпартажу 2018 году), «Лента», «Карусель», «Магніт» і іншыя. Расейскія навінавыя сайты спрабуюць замазаць праблему савецкай моваю - называючы закрыццё крамаў словам «перафарматаванне», але ў рэальнасці прычына зусім у іншым - у людзей банальна няма грошай на гіпермаркеты, і гіпермаркеты папросту не выжываюць на рынку. Застаюцца маленькія гастраномы а-ля СССР.

Такім чынам, у сённяшнім допісе - апавяданне пра тое, як у Расеі закрываюцца гіпермаркеты.

З чаго ўсё пачалося?

Усё пачалося ў 2014 годзе, калі прыніжаная Веймарская рэспубліка Расея нарэшце ўстала з каленяў і анэксавала Судэты Крым - у выніку чаго атрымала санкцыі супраць свайго вышэйшага кіраўніцтва, чыноўнікаў і некаторых галін эканомікі.

У адказ на санкцыі Еўропы і ЗША кіраўніцтва Расеі ўводзіць так званыя «антысанкцыі» - эмбарга на пастаўку якасных прадуктаў з Еўразвязу пад рознымі надуманымі прычынамі. І тут трэба адзначыць адзін прынцыповы і вельмі важны момант - калі санкцыі Еўропы і ЗША тычыліся толькі вышэйшага кіраўніцтва Расеі і чыноўнікаў, але не простых расейцаў, то ў адказ «антысанкцыі» (эмбарга), уведзеныя самой Расеяй, закранулі непасрэдна кожнага простага расейца. Як у тым барадатым анекдоце - «тата, цяпер ты будзеш менш піць? - не, сынок, цяпер ты будзеш менш есці».

Дзіўна, але многія расейцы гэтага не ведаюць і не разумеюць - лічачы, што ў тым, што на прылаўках зніклі якасныя прадукты, вінаватыя менавіта еўрапейскія санкцыі, а не ў адказ «антысанкцыі» - уведзеныя кіраўніцтвам Расеі фактычна супраць сваіх жа грамадзян.

Як закрываюцца гіпермаркеты.

Акрамя прадуктовага эмбарга і росту на паліцах крам разнастайнага фальсіфікату і так званых «спрэдаў» (фальшывага масла, створанага з пальмавага алею), насоўваецца і іншая праблема - расце беднасць расейцаў. Што б нам ні распавядалі прапагандысты - сярэдні заробак у Расеі складае не больш за 20-25 тысяч рублёў, што прыкладна роўна $300- $400. І гэта яшчэ лічыцца нядрэнным заробкам! Зразумела, выжыць сям'і на гэтыя грошы практычна немагчыма, людзі пачынаюць эканоміць на ўсім, і ў гіпермаркетах становіцца ўсё менш і менш пакупнікоў.

У ліку першых кандыдатаў на закрыццё - сетка «Карусель» і «X5 Retail Group», якой належыць у тым ліку і сетка «Перакростак». Стратнай стала сетка пад назвай «Лента» - яна зачыняецца ў Маскве, Санкт-Пецярбургу, Краснаярску і іншых гарадах. Даслоўна на днях усе сацыяльныя сеткі абляцела відэа з закрыцця гіпермаркета «Карусель» у Казані. Відавочцы вельмі жыва апісваюць усё, што адбываецца, цытую:

«У Казані з нагоды закрыцця гіпермаркета «Карусель» зладзілі распродаж пратэрміноўкі і ўсяго таго, што заставалася. З раніцы каля ГЦ «Франт» сабраўся вялізны натоўп ахвочых нешта купіць. Калі крама адкрылася ўся маса пакупнікоў, душачы і расштурхваючы адзін аднаго рынулася ў гандлёвую залу. Жанчыны розных узростаў вырывалі адна ў аднае тухляціну, штурхаліся, лаяліся... Карацей гэта было відовішча не для слабанервовых»:

А ў Санкт-Пецярбургу зачыняецца сетка «Spar» - там у сувязі з закрыццём і тэрміновай неабходнасцю прадаць прадукты, што засталіся (а то сапсуюцца) таксама абвясцілі велізарныя зніжкі. Глядзіце, што там адбывалася. Выглядае гэта вельмі страшна і нагадвае разрабаванне ўкраінскіх гіпермаркетаў бандамі «Наваросіі» ў 2014-м годзе:

Гіганцкія торбы і велізарныя скрынкі, набітыя прадуктамі. «Апошні дзень Пампеі» ў расейскім выкананні - такое адчуванне, што заўтра канец свету.

Разрабаваныя стэлажы:

Людзі ходзяць па разарваных скрынках з таварамі:

Такое адчуванне, што ўсё знята ў нейкім жудасным рамане Стывена Кінга, накшталт «Туман» або чагосьці падобнага:

Без каментароў...

Замест эпілогу.

Ну што, сябры - мяркуючы з усяго, гэта толькі пачатак, і хутка санкцыі пачнуць дзейнічаць па-сапраўднаму. І што самае цікавае - закране гэта ўсе слаі грамадства, і сказаць нешта накшталт «ну я ж быў супраць Крымнаша» - ужо не атрымаецца...

Такія справы.

Напішыце ў каментарах, што вы думаеце з гэтай нагоды, цікава.