Пампэа абмеркаваў забойства Сулеймані з кіраўнікамі МЗС Нямеччыны, Вялікабрытаніі ды Кітая
- 3.01.2020, 16:55
- 27,162
Дзяржаўны сакратар ЗША падзякаваў супольнікам за падтрымку.
Дзяржсакратар ЗША Майк Пампэа заявіў, што абмеркаваў сітуацыю з ліквідацыяй амерыканскімі вайскоўцамі камандзіра іранскага элітнага падраздзялення "Аль-Кудс" Корпуса вартавых ісламскай рэвалюцыі генерал-маёра Касема Сулеймані з міністрамі замежных спраў нямеччыны і Вялікабрытаніі.
"Пагаварыў з [кіраўніком МЗС Нямеччыны] Хайка Маасам з нагоды пастановы [прэзідэнта ЗША] Дональда Трампа распачаць абарончыя дзеянні і ліквідаваць Касема Сулеймані. ФРГ таксама ўстурбаваная бесперапыннымі вайсковымі правакацыямі з боку іранскага рэжыму. ЗША па-ранейшаму настроены на дээскалацыю", - напісаў Пампэа ў сваім Twitter.
У размове з кіраўніком брытанскага МЗС Дамінікам Раабам ён падзякаваў супольнікам за падтрымку.
Пампэа таксама паразмаўляў аб тэлефоннай размове на тэму ліквідацыі Сулеймані з кіраўніком замежнапалітычнай установы Кітая Ян Цзэчы.
У ноч на 3 снежня ЗША нанеслі ракетны ўдар па міжнародным аэрапорце Багдаду ў Іраку. У выніку атакі загінуў генерал-маёр Касем Сулеймані – камандзір іранскага элітнага падраздзялення "Аль-Кудс" Корпуса вартавых ісламскай рэвалюцыі.
Разам з ім загінуў намеснік камандзіра Сіламі народнай мабілізацыі Ірака (якія падтрымліваюць Іран) Абу Махдзі аль-Мухандзіс.
У Пентагоне заявілі, што ліквідацыя Сулеймані была праведзена на ўказанне прэзідэнта ЗША Дональда Трампа. ЗША уважаюць КВІР за тэрарыстычную арганізацыю, а Сулеймані - датычным да нападаў на амбасаду і вайсковыя базы ЗША.
У Іране прыстрашылі ЗША "суровай помстай" за смерць генерала Сулеймані.
Са звестак іранскіх дыпламатаў, акрамя Сулеймані і аль-Мухандзіса загінулі яшчэ 10 чалавек, сярод іх - ахоўнікі Сулеймані і пасажыры.