«Функцыянал замежнай валюты абмяжуюць, усе прывяжуць да рубля»

У Нацбанку наважылі, як павысіць давер да нацыянальнай валюты.

Усе мы ведаем, колькі даляраў у адной базавай велічыні, які актуальны курс асноўных валют сёння і любое падаражэнне суадносім з «даляравым цэннікам». Памяняць сітуацыю ў корані вырашылі ў Нацыянальным банку Беларусі, з 3 студзеня ведамства прыняло стратэгію павышэння даверу да беларускага рубля на 2020 - 2035 гады. Пра гэта паінфармавала прэс-служба Саўміна, паведамляе kp.by.

- Узгоднены комплекс мер і дзеянняў для паслядоўнага павышэння даверу беларусаў і арганізацый усіх формаў уласнасці да беларускага рубля, - падкрэслілі ў прэс-службе.

У чым сутнасць «Стратэгіі даверу»?

Беларускі рубель зойме галоўную ролю ў эканоміцы ўнутры краіны. Яго давер будзе стаяць на двух кітах: стабільнасці цэн і збалансаванасці макраэканомікі.

Комплекс, нагадаем, разлічаны на паўтара дзесяцігоддзя: «Поўнае аднаўленне даверу да нацыянальнай валюты можа стаць доўгім працэсам», - папярэдзілі ў Саўміне. Але шэраг мер, якія прымае ўрад, павінны будуць паскараць працэсы. Напрыклад, на працягу года, ужо да 2021 года, запланавана перайсці на рэжым інфляцыйнага таргетавання. А да 2022 - 2023 года вырашана істотна знізіць узровень манапалізму ў эканоміцы, цалкам выключыць «рэгіянальныя абмежаванні руху тавараў унутры краіны».

Што да дзяржаўнай пазыкі запланавана павысіць яе ўстойлівасць і знізіць, абмежаваўшы як звязаныя, так і незвязаныя дзяржаўныя пазыкі. А на фінансавым рынку будуць фармаваць доўгатэрміновыя крыніцы фінансавання ў беларускай нацыянальнай валюце, развіваць альтэрнатыўныя формы ашчаджанняў, напрыклад, інстытуты калектыўнага інвеставання і г.д.

Для рэальнага сектара задуманы жорсткія меры па «аздараўленню»: незаможныя і неэфектыўныя арганізацыі будуць выводзіць з рынку, з перадачай актываў апошніх іншым суб'ектам.

Новыя сферы для BYN

Функцыянал замежных валют паводле стратэгіі будуць актыўна абмяжоўваць. Напрыклад, унутры краіны з часам цалкам адмовяцца ад выкарыстання еўра, даляраў і расейскага рубля. Падатковыя стаўкі, арэнду, тарыфы арганізацый усталююць толькі ў беларускіх рублях. Таксама і ўсе выплаты (Заўвага.: дапамогі, субсідыі і іншыя выплаты) будуць ажыццяўляцца толькі ў нацыянальнай валюце.

- У міжурадавых пагадненнях Расеі і Беларусі будзе ўзнята пытанне, каб выключыць разлікі ў замежнай валюце (Заўвага: на тэрыторыі РБ) паміж рэзідэнтамі за прыродны газ, - дадалі ў прэс-службе.

Тое ж рашэнне будзе ў дачыненні і да страхавой сферы.

Як гэта спрацуе?

У выніку паспяховая рэалізацыя стратэгіі наблізіць долю беларускага рубля ў эканоміцы краіны (Заўвага: у шырокай грашовай масе, патрабаваннях банкаў і Банка развіцця) да 80 адсоткаў.

Пры гэтым паказчык інфляцыі не павінен будзе перавысіць мэтавы арыенцір (Заўвага: на ўвесь тэрмін выканання «Стратэгіі даверу»). Як вынік: беларускі рубель адновіцца, як паўнавартасны сродак звароту, плацяжу, назапашвання і меры кошту.