У выходныя ў Беларусі пацяплее

Прагноз надвор'я ў краіне на 2-4 кастрычніка.

2 кастрычніка тэрыторыя Беларусі будзе знаходзіцца ў вобласці паніжанага атмасфернага ціску, па паўднёва-заходняй палове краіны адаб'ецца ўплыў франтальных раздзелаў. Чакаецца воблачнае з праясненнямі надвор'е, паведамляе pogoda.by.

Пераважна па паўднёва-заходняй палове краіны пройдуць кароткачасовыя дажджы, у дзённы час месцамі магчымыя навальніцы. Вецер усходні, паўднёва-ўсходні сярэдні, удзень у асобных раёнах парывісты. Мінімальная тэмпература паветра ў краіне ўночы ў межах ад + 6°С да +12°С, максімальная ўдзень ад +13°С да +19°С. Атмасферны ціск істотна змяняцца не будзе.

3 кастрычніка ўмовы надвор'я будуць фармаваць франтальныя раздзелы, якія змяшчаюцца з тэрыторыі Украіны. Чакаецца воблачнае з праясненнямі надвор'е. На большай частцы тэрыторыі рэспублікі пройдуць кароткачасовыя дажджы. Вецер паўднёва-ўсходні сярэдні, удзень парывісты. Мінімальная тэмпература паветра ў краіне ўночы ў межах ад + 8°С да + 13°С, максімальная ўдзень ад +13°С да + 20°С, на поўдні да +22°С.

4 кастрычніка на тэрыторыі краіны чакаецца паступленне вільготных і няўстойлівых паветраных мас з паўднёвых шырот, днём па захадзе адаб'ецца ўплыў франтальнага падзелу. Чакаецца воблачнае з праясненнямі надвор'е. Месцамі ў краіне пройдуць кароткачасовыя дажджы, днём магчымыя навальніцы. Вецер паўднёва-ўсходні парывісты, днём месцамі моцны парывісты. Мінімальная тэмпература паветра ў краіне ўночы ў межах ад +8°С да + 15°С, максімальная ўдзень ад +16°С да + 23°С, месцамі да + 25°С.