На першым энэргаблоку БелАЭС запушчана ланцуговая рэакцыя
21- 11.10.2020, 10:11
- 30,680
Рэактарная ўстаноўка выведзена на мінімальна кантраляваны ўзровень.
У рэактары першага энэргаблока Беларускай атамнай электрастанцыі пачалася кіраваная ланцуговая рэакцыя дзялення, паведамілі БелТА ў прэс-службе Міністэрства энэргетыкі.
«У адпаведнасці з графікам збудавання БелАЭС на першым энэргаблоку паспяхова запушчана ланцуговая рэакцыя, рэактарная ўстаноўка выведзена на мінімальна кантраляваны ўзровень магутнасці», - паінфармавалі ў прэс-службе. Такім чынам, пакладзены пачатак жыццёваму цыклу рэактара.
Наступным этапам стане энэргетычны пуск першага энэргаблока.
Аўтарытэтныя міжнародныя арганізацыі неаднаразова папярэджвалі пра небяспеку Беларускай АЭС. Падчас будаўніцтва рэактар быў двойчы пашкоджаны.