СМІ: Самы час расхопліваць даляры, пакуль курс на мінімуме

На гэтым тыдні склалася парадаксальная сітуацыя.

Даляр добранька патаннеў, піша infobank.by. Вы і самі маглі заўважыць гэта, калі праходзілі міма абменніка. Але такая сітуацыя не можа працягвацца вечна. Зусім хутка ўсё сур'ёзна зменіцца, і той, хто не купіў валюту сёння, будзе кусаць локці.

Справа ў тым, што ў Расеі цяпер самы разгар падатковага перыяду, і ўсе, хто павінен, здаюць валюту. Гэта сур'ёзна цісне на курс даляра ў РФ. Акрамя таго, расейскі рубель не адчувае сёння негатыўнага ціску з боку іншых краін або нафты. Усім не да Расеі, у свеце рыхтуюцца да выбараў амерыканскага прэзідэнта.

Як вынік, 21 кастрычніка на Маскоўскай біржы даляр прадаецца па цане 77 RUB. Але таннець пакуль што не збіраецца.

Між тым, да Беларусі далятаюць адгалоскі гэтых падзей, і мы назіраем умацаванне беларускага рубля.

Вынікі таргоў на Беларускай валютна-фондавай біржы 21 кастрычніка выглядаюць наступным чынам:

курс даляра абрынуўся на 0,0163 (-0,64%), да 2,5466 беларускага рубля

курс еўра падрос на 0,0029 (+ 0,10%), да 3,0216 беларускага рубля

расейскі рубель стаў даражэйшым на 0,0113 (+0,34%). У выніку, за расейскую валюту даюць 3,3052 беларускага рубля, за сотню