Польскія гарады адзін за адным скасоўваюць святкаванне Новага года
- 21.10.2020, 19:40
- 31,910
І не толькі праз каранавірус.
Праз распаўсюджванне каранавіруснай інфекцыі ўлады Гдыні і Гданьска наважылі скасаваць святкаванне Новага года. Пра гэта паведамляе сайт Charter97.org са спасылкай на польскія СМІ.
На працягу апошніх дзесяцігоддзяў на Новы год у гэтых гарадах адбываліся грандыёзныя канцэрты пад адкрытым небам, падчас якіх таксама было шоў феерверкаў, якое з часам, з меркаванняў абароны жывёл, ператварылася ў лазернае шоў.
Адзначым, 17 кастрычніка святкавання скасавалі ў Варшаве і Познані.
Цяпер у Польшчы існуе забарона збірацца кампаніямі, колькасць якіх перавышае 20 чалавек. Калі яна будзе актуальнай і ў канцы снежня, то святкаванне Новага года стане наогул немагчымым.
Варта заўважыць, што на такое рашэнне польскіх уладаў паўплывалі і эканамічныя фактары, бо святкаванне Новага года абыходзіцца прыкладна ў 1 млн злотых. На сёння такія выдаткі лічацца марнатраўствам, бо эканоміка ўжо паспела пацярпець ад пандэміі каранавіруса.