Рабочым заводаў нагадалі пра старт Нацыянальнага страйку 26 кастрычніка

Стаяць за станком, пакуль рэжым падманвае і калечыць беларускі народ - ужо не выйсце.

Тэлеграм-канал «Беларусь страйкуе!» апублікаваў відэа, якое нагадвае рабочым заводаў пра тое, што 26 кастрычніка пачнецца Нацыянальны страйк.

«Працаваць за станком, пакуль рэжым падманвае і калечыць свой народ - ужо не выйсце.

26 кастрычніка - старт нацыянальнага страйку!», - гаворыцца ў відэа.

Нагадаем, што раней Святлана Ціханоўская абвясціла Лукашэнку ультыматум. Тэрмін Народнага ультыматуму заканчваецца 25 кастрычніка. Яго патрабаванні:

1. Лукашэнка павінен аб'явіць аб сыходзе.

2. Гвалт на вуліцах павінен спыніцца цалкам.

3. Усе палітвязні павінны быць вызваленыя.

Тэрмін дзеяння ультыматуму заканчваецца 25 кастрычніка.