Беларускіх студэнтаў заклікалі да Нацыянальнага страйку 26 кастрычніка
- 24.10.2020, 13:38
- 11,433
Разам і да канца!
Тэлеграм-канал «Студэнцкая ініцыятыўная група» звярнуўся да навучэнцаў і выкладчыкаў беларускіх ВНУ:
– Тэрмін Народнага ўльтыматуму падыходзіць да канца, а гэта значыць, што мы павінны праявіць максімальную катэгарычнасць ужо ў панядзелак!
Калі заўтра рэктары не прымуць бок студэнтаў, а дзяржава – бок народа, мы, студэнцтва Беларусі, выходзім на страйк.
09:30 – збор на тэрыторыі нашых альма-матар. Абмяркоўвайце, якой мусіць быць новая Беларусь і ваш універсітэт у ёй, дзяліцеся думкамі і перажываннямі.
Не пачынайце заняткі. Дамоўцеся са сваім выкладчыкам, альбо проста давядзіце да яго сваю пазіцыю. Забастоўка – неад'емнае права чалавека, гэта самы негвалтоўны і мірны спосаб дэманстрацыі.
У 10:00 выходзьце на вуліцу. У гэты ж час да вас далучацца супрацоўнікі прадпрыемстваў, уладальнікі бізнэсаў і многія іншыя беларусы!
Настройвайцеся на наступны дзень! Гэта не аднадзённая акцыя. Рыхтуйцеся прадаўжаць страйк і на наступны дзень.
Памятайце, што проста цяпер тысячы людзей застаюцца ў турмах і ізалятарах, сярод іх – сотні студэнтаў і студэнтак, вашых аднагрупнікаў і аднагрупніца. Мы не павінны здавацца!
Перасылайце інфармацыю ў свае ўніверсітэцкія чаты і каналы, дзяліцеся з аднакурснікамі і аднакурсніцамі.
Разам і да канца!
Нагадаем, што Святлана Ціханоўская абвесціла Лукашэнку ўльтыматум. Ягоныя патрабаванні:
1. Лукашэнка павінен абвесціць пра сыход.
2. Гвалт на вуліцах павінен спыніцца цалкам.
3. Усе палітвязні павінны быць вызваленыя.
Тэрмін дзеяння ўльтыматуму заканчваецца 25 кастрычніка.