ЗША наважылі прадаць F-35 Грэцыі замест Турцыі
5- 28.10.2020, 21:40
- 17,374
У Афіны для абмеркавання гэтага пытання прылятаў дзяржсакратар ЗША Майк Пампеа.
У ЗША наважылі прадаць прызначаныя для Турцыі знішчальнікі F-35 Грэцыі. Пра гэта паведамляе Greek City Times са спасылкай на мясцовую прэсу.
У Афіны для абмеркавання гэтага пытання прылятаў дзяржсакратар ЗША Майк Пампеа. Усяго плануецца паставіць 20 машын, 6 з якіх раней прызначаліся Анкары. Грэцыя таксама закупіць шэсць знішчальнікаў Rafale ў Францыі.
Гэтая мера ўжо абмяркоўваецца ў сенаце ЗША. Яна звязаная з актывацыяй турэцкім бокам набытых у Расеі зенітных ракетных комплексаў С-400. ЗША таксама разглядаюць перасоўванне амерыканскай вайсковай базы «Інджырлік» з тэрыторыі Турцыі на востраў Крыт.
Раней у кастрычніку прэс-сакратарка Дзярждэпартамента ЗША Морган Ортагус папярэдзіла Турцыю пра сур'ёзныя наступствы, калі яна паставіць на ўзбраенне расейскія С-400. З яе слоў, Вашынгтон спадзяецца, што комплексы не будуць прымяняцца, і выразна дае гэта зразумець.