З Опернага звольнілі дырыжора, першую скрыпку аркестра, скрыпачку і альтыстку

Учора ў Оперным тэатры прайшла акцыя салідарнасці.

Хваля паказальных звальненняў дакацілася і да Опернага тэатра.

Паводле інфармацыі Беларускага фонду культурнай салідарнасці, звольнілі першую скрыпку аркестра Рэгіну Саркісаву, якая падпісала ліст дзеячаў культуры з патрабаваннем свабодных выбараў, а таксама скрыпачку Алу Джыган і альтыстку Аляксандру Пацёміну. Звольнены і Андрэй Галанаў - дырыжор Вялікага тэатра, заслужаны дзеяч мастацтваў Беларусі. У спісе на звальненне і вядучы саліст Ілля Сільчукоў.

Нагадаем, учора ў Оперным тэатры прайшла акцыя салідарнасці.