ВВС: На беларускіх заводах - хваляванні

Становішла первая рабочая неделя после того, как экс-кандидат в презишча ў краіне значна абвастрылася.

У Беларусі прайшоў першы працоўны тыдзень пасля таго, як экс-кандыдатка ў прэзідэнты Святлана Ціханоўская заклікала да агульнанацыянальнай забастоўкі. Становішча ў краіне значна напалілася, паведамляе ВВС.

На заводах - хваляванні

Аснова эканомікі Беларусі - дзяржаўныя прамысловыя прадпрыемствы. Хваляванні ў той ці іншай ступені прайшлі на кожным.

Самая напружаная сітуацыя была на прадпрыемстве «Гродна Азот» - гэта адзін з найбуйнейшых у свеце вытворцаў мінеральных угнаенняў. Там на стыхійны мітынг ля галоўнага корпуса выйшлі больш за 100 чалавек, на завадской трубе вывесілі бел-чырвона-белы сцяг апазіцыі, пасля гэтага на завод прыехаў АМАП.

Блізу 10 чалавек былі затрыманыя, у канцэрне «Белнафтахім», куды ўваходзіць «Гродна Азот», заявілі, што большасць прысутных не з'яўляліся супрацоўнікамі прадпрыемства.

Падобныя па маштабе падзеі былі на электратэхнічным і трактарным заводах, «Беларуснафты», заводзе колавых цягачоў. Некаторыя рабочыя не выйшлі на сваю змену, некаторыя збіраліся на мітынгі, іншыя ладзілі шэсце прама па цэхах, заклікаючы далучыцца да страйку.

У рэстарацыях - праверкі

Страйк падтрымалі сотні малых прадпрыемстваў, у асноўным у сферы паслуг. 26 кастрычніка не працавалі кавярні, рэстарацыі, піцэрыі, бары, інтэрнэт-крамы, спартзалы, службы дастаўкі. Некаторыя з іх проста зачыніліся, на некаторых з'явіліся таблічкі накшталт «санітарны дзень» ці «абнаўленне праграмнага абсталявання».

Зрэшты, на працягу тыдня пераважная большасць з іх працягнула працу, а ўлады знайшлі спосаб адпомсціць.

Паводле закона аб дзяржаўным рэгуляванні гандлю (дэкрэты, згодна з беларускім заканадаўствам маюць прыярытэт над законамі) прадпрымальнікі павінны інфармаваць улады пра непрацоўныя дні за пяць дзён.

Скарыстаўшыся гэтай супярэчнасцю, улады пачалі праверкі, і да заканчэння тыдня прадпрыемства малога бізнэсу сталі атрымліваць першыя штрафы.

У ВНУ - страйкі

Беларускія ВНУ сталі на гэтым тыдні галоўнымі цэнтрамі супрацьстаяння ўлады і апазіцыі. Мінулыя пратэстныя акцыі паказалі, што студэнты і выкладчыкі ў большасці сваёй - за апазіцыю.

Сядзячыя забастоўкі і стыхійныя выступы працягваліся ўвесь тыдзень ва ўсіх ВНУ краіны.

Лукашэнка ў аўторак 27 кастрычніка запатрабаваў адлічыць студэнтаў, якія ўдзельнічаюць у акцыях, таму што яны «перайшлі чырвоную рысу». Ён заклікаў адправіць іх «каго ў войска, каго на вуліцу».

Адлічэнні пачаліся ў той жа дзень. «Мяне адлічылі за актыўную грамадзянскую пазіцыю. Пакуль усё», - напісала ў «Твітэры» 27 кастрычніка студэнтка медычнага ўніверсітэта. «Мяне не адлічылі, але адлічэнняў шмат», - напісала іншая. Пазней яна дадала яшчэ адзін допіс: «Мелкага [малодшага брата - Рэд.] адлічылі. Адчуваю гонар».

Паводле звестак на вечар 29 кастрычніка, студэнтаў не адлічвалі толькі з Беларускага дзяржаўнага ўніверсітэта.

Ва Універсітэце інфарматыкі і радыёэлектронікі, паводле звестак тэлеграм-канала «Мірны БДУІР», падрыхтаваны загад на адлічэнне 65 чалавек, акрамя гэтага ў знак пратэсту звольнілася дэкан аднаго з факультэтаў.

З Нацыянальнага тэхнічнага ўніверсітэта адлічваюць блізу 50 чалавек, студэнтам-юнакам адразу ж аддаюць позвы ў ваенкаматы.

У астатніх ВНУ адлічвалі двух-трох чалавек, многім выстаўлялі папярэджанні або вымовы. У адказ студэнты і салідарныя людзі на працягу тыдня ладзілі пікеты. На адным з плакатаў быў намаляваны супрацоўнік АМАПа з подпісам: «Наш новы выкладчык».

Пратэстная актыўнасць дайшла нават да школ, дзе дзеці гуляюць у затрыманні на мітынгах і выстройваюцца ў ланцужкі салідарнасці. У гімназію №4 28 кастрычніка прыйшоў АМАП - дзеці выстраіліся перад байцамі і ўзяліся за рукі. Зрэшты, прыйшлі не па іх, а за бацькам чацвярых вучняў гімназіі. Ён стаяў з плакатам у двары навучальнай установы і 30 кастрычніка атрымаў за гэта 15 дзён.