27 студзеня 2021, Серада, 2:50
Сім сім, Хартыя 97!
Рубрыкі

Расея пагадзілася на з'яўленне турэцкіх вайскоўцаў у Карабаху

Расея пагадзілася на з'яўленне турэцкіх вайскоўцаў у Карабаху

Падпісаная спецыяльная дамова.

Расея і Турцыя падпісалі пагадненне пра стварэнне супольнага цэнтра маніторынгу перамір'я ў Нагорным Карабаху.

Подпісы пад дакументам у аўторак паставілі міністр абароны Турцыі Хулусі Акар и его российский коллега ягоны расейскі калега Сяргей Шайгу, паведамляе «Інтэрфакс» сса спасылкай на прэс-службу турэцкай вайсковай установы.

У ходзе перамоваў вайскоўцы РФ і Турцыі ўзгаднілі ўсе тэхнічныя дэталі, якія датычацца прынцыпаў працы цэнтра, і ў цяперашні час вядуцца захады, каб ён пачаў функцыянаваць як мага хутчэй.

Пагадненне пра супольны кантроль за перамір'ем пасля вайны, якая доўжылася месяц, паводле вынікаў якой Ерэван страціў кантроль над тэрыторыямі, занятымі ў кровапралітных баях пачатку 1990-х, было падпісанае праз два тыдні пасля таго, як парламент Турцыі зацвердзіў указ прэзідэнта Рэджэпа Эрдагана пра адпраўку Узброеных сілаў у зону канфлікту.

Згодна з дакументам, ухваленым 17 лістапада, турэцкія вайскоўцы могуць знаходзіцца на тэрыторыі Азербайджана цягам аднаго года.

Пра тое, што турэцкія вайскоўцы з'явяцца ў Карабаху і будуць дзейнічаць там на тых правах, што і расейскія міратворцы, адразу пасля падпісання перамір'я казаў прэзідэнт Азербайджана Ільхам Аліеў, а 11 лістапада тую ж пазіцыю агучыў сам Эрдаган.

У Крамлі ягоныя словы паспяшаліся аспрэчыць. «Пра гэта няма ні аднаго слова ў тэксце заявы, якая была апублікаваная. Пра гэта не дамаўляліся тры бакі», – казаў тады прэс-сакратар прэзідэнта Дзмітрый Пяскоў.

«Знаходжанне турэцкіх вайскоўцаў у Карабаху не было ўзгодненае», – падкрэсліў ён, спасылаючыся на дакумент аб спыненні вайны, які падпісалі Аліеў, Уладзімір Пуцін і Нікол Пашынян.

Паводле заявы трох лідараў, азербайджанская армія спыняецца на занятых ёй пазіцыях, а Арменія вяртае Баку тры раёны, занятыя ў ходзе вайны 1992–1994 гг., пакідаючы за сабой толькі Лачынскі калідор шырынёй 5 км, які будзе забяспечваць сувязь Нагорнага Карабаха з тэрыторыяй краіны.

Уздоўж лініі разгортваецца расейскі міратворчы кантынгент – 1960 вайскоўцаў са стралковай зброяй, 90 бронетранспарцёраў, 380 адзінак аўтамабільнай і спецыяльнай тэхнікі.

Дырэктар Службы нацыянальнай бяспекі Арменіі Армэн Абазян тым часам скіраваўся на перамовы ў Маскву, піша РІА Новости. Пра іх змест не паведамляецца.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».