Праклятая БелАЭС зноў ламаецца?

Nexta паведаміў пра яшчэ адно НЗ на Астравецкай АЭС.

Найбуйнейшы тэлеграм-канал Беларусі Nexta паведаміў пра чарговае НЗ на БелАЭС.

«Нам паступаюць паведамленні, што ўчора, 30 лістапада, у раёне поўдня на першым энэргаблоку БелАЭС адбыўся экстраны скід ціску. Магутны скід разбурыў каўпакі клапанаў у паравым пакоі вагой у некалькі соцень кілаграм. Абсталяванне патрабуе замены, але яго замена прыраўноўваецца да прызнання аварыі - замест гэтага яго спрабуюць чыніць падручнымі сродкамі. Паведамляецца, што паводле стану на 15:20 1 снежня першы рэактар цалкам спынены.

У мінулым месяцы праз выбух трансфарматараў АЭС ужо даводзілася экстранна спыняць. Тады кіраўніцтва станцыі абмежавалася каментаром пра «неабходнасць замены асобнага электратэхнічнага вымяральнага абсталявання», - паведаміў тэлеграм-канал Nexta.