26 студзеня 2021, aўторак, 21:22
Сім сім, Хартыя 97!
Рубрыкі

У Менску даражэе праезд у грамадскім транспарце

24
У Менску даражэе праезд у грамадскім транспарце
Фота: bymedia

Падвысяцца кошты як на разавыя білеты, так і на праязныя дакументы.

У Менску падаражэе праезд у грамадскім транспарце. Пра гэта паведамляе тэлеграм-канал «Менск. Афіцыйна».

Пастанова Менскага гарвыканкама на гэты конт увойдзе ў дзеянне пасля апублікавання на Нацыянальным прававым інтэрнэт-партале Рэспублікі Беларусь.

Тарыф на праезд у гарадскім грамадскім транспарце павялічыцца на 10 капеек.

Адна паездка ў аўтобусах, якія працуюць у звычайным рэгулярных рэйсах, а таксама тралейбусах, трамваях і электробусах, каштавацьме пасажырам 75 капеек (цяпер - 65). У экспрэсных аўтобусах - 90.

Пры продажы кіроўцам талон будзе каштаваць 80 капеек, а ў аўтобусах-экспрэс - 95.

Жэтон у метро будзе каштаваць 80 капеек.

На 15% падвысяцца таксама кошты праязных дакументаў.

Тарыф на праезд у прыгарадным транспарце павялічыцца на 1 капейку за кіламетр.

Апошні раз праезд у грамадскім транспарце Менска даражэў у снежні мінулага года. Тады кошт адной паездкі ўзросла на 5 капеек.

Даражэе праезд і ў іншых рэгіёнах Беларусі. З 29 лістапада кошт білета вырасце ў Гарадзенскай і Гомельскай абласцях, а з 1 снежня - у Берасці. Там білет у звычайных аўтобусах і тралейбусах падаражэў з 60 да 70 капеек.

Нагадаем, у папярэднія гады таксама пасля падвышэння кошту праезду ў грамадскім транспарце ў адным рэгіёне такую ж пастано прымалі і ў астатніх абласцях.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».