З турмы вызвалілі экс-следчага Юшкевіча
3- 4.12.2020, 18:53
- 21,898
Яму змянілі меру стрымання на падпіску аб нявыездзе.
Пасля следчых дзеянняў Яўгену Юшкевічу змянілі меру стрымання. Былы следчы цяпер з падпіскай аб нявыездзе, паведамляе «Белсат».
Яўгена Юшкевіча, былога следчага і актывіста праекта ByChange, вызвалілі з турмы. Пасля заканчэння следчых дзеянняў актывісту змянілі меру стрымання на падпіску аб нявыездзе.
Юшкевіч - былы следчы, ён звольніўся са Следчага камітэта некалькі гадоў таму.
Праваабаронцы прызналі яго вязнем сумлення.
Яўгена Юшкевіча затрымалі 25 лістапада. Яго падазраюць у арганізацыі або ўдзеле ў дзеяннях, якія груба парушаюць грамадскі парадак. Актывіста этапавалі ў СІЗА №1 на вуліцу Валадарскага ў Менску.
Раней знаёмыя Яўгена заўважылі, што пасля затрымання ізноў былі адноўленыя ягоныя месэнджары і сацсетка.