20 красавiка 2021, aўторак, 1:32
Сім сім, Хартыя 97!
Рубрыкі

Біскуп Віцебскі выступіў з заявай у сувязі з арыштам настаяцеля касцёла ў Расонах

5
Біскуп Віцебскі выступіў з заявай у сувязі з арыштам настаяцеля касцёла ў Расонах
АЛЕГ БУТКЕВІЧ
ФОТА: RACYJA.COM

Кіраўнік каталіцкай дыяцэзіі заклікаў неадкладна вызваліць Вячаслава Барка.

Біскуп Віцебскі Алег Буткевіч выступіў з заявай у сувязі з арыштам на 10 дзён настаяцеля касцёла ў Расонах Вячаслава Барка. Кіраўнік каталіцкай епархіі ўважае, што справу ў дачыненні да святара павінны перагледзець з улікам меркавання незалежных экспэртаў, а яго самога неадкладна вызваліць.

Нагадаем, 3 снежня суддзя суду Расонскага раёна Рада Дамініч пакарала 10 соднямі арышту пробашча мясцовага касцёла Вячаслава Барка, абвінаваціўшы яго ў прапагандзе нацысцкай сімволікі або атрыбутыкі паводле арт. 17.10 КоАП. Прычынай для суду стала публікацыя на асабістай старонцы святара ў сацыяльных сетках плаката Уладзіміра Цэслера «Стоп лукашызм».

Вячаслаў Барок растлумачыў суду, што выступае «супраць фашызму, камунізму, любога таталітарнага рэжыму" і што размясціў плакат Уладзіміра Цэслера як выраз «пратэсту супраць гвалту ў краіне».

- Тым не менш складваецца ўражанне, што яго тлумачэнні не былі прынятыя судом да ўвагі, у выніку чаго ксяндзу Вячаславу Барку было вынесена абвінаваўчае рашэнне, з якім святар не пагадзіўся і з якім не магу пагадзіцца таксама і я, таму што ксяндза Вячаслава фактычна абвінавацілі ў тым, супраць чаго ён сам выступаў, - адзначае біскуп Віцебскі Алег Буткевіч.

Кіраўнік епархіі ўважае, што гэта справа «павінна быць перагледжаная з улікам меркавання незалежных экспертаў, а таксама дадзеных ксяндзом Вячаславам тлумачэнняў». У выніку, на думку Алега Буткевіча, са святара павінны зняць абвінавачванне і «неадкладна вызваліць» яго.

Біскуп разам з тым не выключае, што факт размяшчэння святаром на яго асабістай старонцы ў сацыяльнай сетцы плаката палітычнага зместу мог быць па-рознаму ўспрыняты рознымі людзьмі. У сувязі з гэтым кіраўнік епархіі просіць прабачэння ў тых, у каго "падобнае ўтрыманне выклікала негатыўную рэакцыю».

Алег Буткевіч заклікаў вернікаў «да малітвы аб вырашэнні гэтай справы, а таксама за ўсю нашу краіну, каб сярод нас было больш любові і ўзаемнай павагі, а таксама імкнення да пошуку і прыняцця праўды і жыцця ў адпаведнасці з законамі: як дзяржаўным, так і Божым».

Раней у сацыяльных сетках свой зварот у абарону Вячаслава Барка размясціў і Уладзімір Цэслер:

- Той факт, што публікацыя маёй антыфашысцкай працы на старонцы святара Вячаслава Барка ў сетцы Інтэрнэт расцэненая як дэманстрацыя нацысцкай сімволікі, выклікае здзіўленне, супярэчыць маёй мастацкай задуме пры працы над творам. Для кожнага, у каго ёсць вочы, розум і сэрца, відавочная антыфашысцкая пазіцыя касцёла.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».